14-may, yakshanba kuni Turkiyada navbatdagi prezidentlik saylovlari bo‘lib o‘tdi. Soat 17:00 da saylov uchastkalari yopildi, hozirda mamlakat ichida ham, xorijda ham ovozlar sanab chiqilmoqda.
“Anadolu” agentligi ma’lumotlariga ko‘ra, ovozlarning deyarli 60 foizi sanab bo‘lingan. Ayni paytda prezidentlik poygasida amaldagi prezident Rajab Toyyib Erdo‘g‘on yetakchilik qilmoqda. Unga 15 milliondan ortiq kishi (51,64 foiz) ovoz berdi.
Muxolifat nomzodi Kamol Qilichdaro‘g‘li 12 milliondan ortiq ovoz (42,53 foiz) bilan Erdo‘g‘ondan 9 foizga ortda qolmoqda. “Otaturkchilar ittifoqi”dan Sinan Ogan 5 foizdan sal ko‘proq ovoz to‘plamoqda.
Turkiya Markaziy saylov komissiyasiga ko‘ra, Turkiya tarixida saylovchilar ishtiroki bo‘yicha yangi rekord o‘rnatildi — 93,6 foiz.
Izoh (0)