23-may kuni Toshkentda IT Park ko‘magida IT-rekruting kursi boshlanadi.
Kurs ishtirokchilari IT-mutaxassislarni tanlashning ilg‘or usullarini, bo‘sh ish o‘rinlari, mijozlar va nomzodlar bilan ishlash ko‘nikmalarini o‘rganish, rekruterning kuchli vositalarini o‘zlashtirish imkoniyatiga ega bo’lishadi.
Kursni Rossiya va Sharqiy Yevropaning yetakchi xedxanterlaridan biri, “Yilning HR brendi” mukofoti sovrindori Alyona Vladimirskaya hamda O‘zbekiston IT Hamjamiyati rahbari, jahon darajasidagi IT-professional Shavkat Karimov olib boradi.
Muhimi, o‘rganuvchilar yirik IT-kompaniyalarning yuqori malakali mutaxassislari bilan malaka almashishadi va yakuniy imtihonlarni muvaffaqiyatli topshirganlar $700 miqdoridagi maoshli ishga joylashadilar.
Darslar 2,5 oy davom etadi. Har bir guruhdagi ishtirokchilarning maksimal soni 15 kishidan iborat bo‘ladi.
Birinchi guruh uchun noyob imkoniyat – mutlaqo bepul taʼlim!
Kurs talabalarini tanlash bir necha bosqichda amalga oshiriladi:
- arizalarni ko‘rib chiqish (rezyume + motivatsion xat, nima uchun ushbu kurs ishtirokchiga muhim);
- agar ishtirokchining nomzodi muvofiqlik mezonlariga javob bersa, Zoom platformasida suhbat bo‘lib o‘tadi;
- tanlov natijalari haqida pochta orqali maʼlumot yuboriladi.
Ariza beruvchilarga qo‘yiladigan talablar:
- ingliz tili darajasi C1 va undan yuqori;
- rus tilini yaxshi bilish;
- haftasiga 16 soat o‘qish imkoniyati (ulardan 4 tasi yakshanba kuni Toshkentda oflayn tarzda, shuningdek, 6 soat onlayn tarzda nazariya va 6 soat amaliyot);
- hozirgi daromadi oyiga 500 dollardan oshmasligi;
- IT-sohasidan xabardor bo’lish (o‘qish, ish, shaxsiy startap tajribasi) ustunlik beradi.
Arizalar 20-maygacha qabul qilinadi.
Batafsil maʼlumot havola orqali: https://ittop.uz/
Reklama huquqi asosida.
Izoh (0)