“Real” yozda yana bir bor Kilian Mbappeni xarid qilishga urinib ko‘radi

“Real” yana bir bor “PSJ” hujumchisi Kilian Mbappe bilan shartnoma imzolashga urinib ko‘radi.

The Telegraph nashrining xabariga ko‘ra, madridliklar Jud Bellinghem bilan birgalikda parijliklar forvardini ham jamoaga olib kelmoqchi. Agar ikkala transfer ham amalga oshsa, ushbu yoz “Madrid” tarixidagi rekord xarajatlarni keltirib chiqaradi. “Real” keyingi o‘n yillik uchun Yevropadagi dominantlikni ta’minlab oladi. 

“Qaymoqranglilar” Lionel Messi va Neymarning ketish ehtimoli yuzaga kelgan vaziyatdan, shuningdek, Mbappening muxlislar uchun videoroligi tufayli klub bilan mojarosidan foydalanib, Kilianni Madridga o‘tishga ko‘ndirish va parijliklarga bosim o‘tkazishga harakat qiladi. 

“PSJ” ham o‘z navbatida Mbappe atrofida jamoa qurish uchun, hujumchini saqlab qolish istagida. 

“Real” 2022-yil yozida ham Kilian bilan shartnoma imzolashga urinib ko‘rgan, biroq futbolchi “PSJ” bilan shartnomasini 2025-yilga qadar uzaytirgandi.