Тошкентнинг Шайхонтоҳур туманида 6 минг литр этил спирти сотаётган шахс ушланди.
Бош прокуратура ҳузуридаги департаментнинг Шайхонтоҳур туман бўлими томонидан ўтказилган тезкор тадбирда фуқаро Б.О. “К.С.” МЧЖга тегишли 6 минг литр этил спиртини ушбу корхонада норасмий ишлаб келган С.И.дан жами 153 миллион сўмга сотиб олишга келишиб, ушбу спирт маҳсулотини бошқа бир фуқаро Ф.М.га 13 700 долларга сотган вақтида ашёвий далиллар билан ушланган.
Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)