Болливуд актрисаси Сонам Капур 1985 йилнинг 9 июнь санасида Бомбейда туғилган. Унинг отаси актёр ва продюсер Анил Капур, марҳум продюсер Суриндер Капурнинг ўғли. Сонамнинг онаси собиқ модел ва дизайнер. Унинг Рея исмли синглиси ва Харшвардхан исмли укаси бор.
Сонам Капур оила аъзоларининг машҳурлигига қарамай, ҳеч қачон фамилиясини ишлатмаган ва эрта молиявий мустақил бўлган. Актриса 15 ёшида Сингапурга ўқиш мақсадида борган. Ота-онаси унга бироз пул берган, бироқ бу пул ҳеч нарса учун етарли эмасди, шунинг учун Сонам ўзининг биринчи ишини официант сифатида бошлади ва шундан сўнг ота-онасидан умуман пул олмади.
Сону билан мулоқот қилиш имконига эга бўлган кўп инсонлар актрисанинг жуда тарбияли эканини айтишади. Актриса ёшлигида спортни, регби ва баскетболни яхши кўрарди. У катҳак, классик мусиқа ва Лотин Америкаси рақсларини ўрганган. У аввал айғоқчи, кейин раққоса ва ўқитувчи бўлишни орзу қилган.
Сонам Капур қандли диабет ва ортиқча вазндан ҳам азият чеккан. “Ўсмирлигимда ўзимни семиз ва хунук ҳис қилардим. Сочларим бутун юзимда ўсиб чиққан. Мен актриса бўлишга қарор қилганимда, ўзимни ўзгартириш учун коп ҳаракат қилишим керак эди”, — дейди актриса.
Сонам кинодаги фаолиятини “Сўнгги умид” фильмида режиссёр ёрдамчиси Санжай Лила Бхансали билан бошлади. Дастлаб, актриса сценарий муаллифи ёки режиссёр сифатида карьераси қуришни режалаштирган ва Бҳансалидан фильм суратга олиш ҳақидаги маълумотларни ўрганиш учун суратга олиш гуруҳига қўшилишни сўради.
Бироқ бу жараёнда Санжай унга ўзининг навбатдаги “Севгилим” лойиҳасида бош ролни таклиф қилди ва Сонамга озишни маслаҳат берди.
Ўша пайтда унинг вазни 88 килограммга етган. Капур режиссёрнинг ишончини оқлаган ҳолда икки йил ичида 35 килограмм вазн ташлаб, бош ролни эгаллаган.
“Кино юлдузи бўлиш арафасида бўлишимга қарамай, бу ролни ижро этганимга ишонмадим. Мен доимо орқаси очиқ блузкада рақсга тушишимни сўрашса, ҳамма орқамдаги ёғ доғларини кўради, деб хавотирланардим. Ҳеч ким бунақа кўринишдаги актрисага чипта сотиб олиш учун навбатда турмайди”, — дейди актриса.
Бироқ Сонам қўрқувини енгиб, актёрлик сабоқларини олди. У Воҳида Реҳман ва Нутан фильмларини кўздан кечирди, чунки уларнинг актёрлик маҳорати актрисани ҳайратда қолдирди. “Севимли” фильми чиққанида Сонам эндигина 22 ёшга кирган эди. Ўша пайтда актрисанинг Ранбир Капур билан ишқий муносабатлари ҳақида миш-мишлар тарқалган.
У актёр билан узоқ қариндош эди. Орадан вақт ўтиб Ранбир актрисанинг юрагини синдириб, Дипика Падуконе билан учраша бошлади.
Актёр билан муносабатларининг тугаши Сонамга “фойдали” бўлди. У “Севимли” фильмининг муваффақиятсизлигидан сўнг, яна бир нечта муваффақиятсиз бўлган лойиҳаларда суратга тушди, бироқ у доимо янгиликларда қолишнинг ажойиб профессионал усулини топди. Сонам Ҳиндистоннинг энг яхши мода вакилига айланди.
Актрисанинг услуб жиҳати нафақат мукаммал, у ташқи кўринишига алоҳида эътибор қаратади. Кўплаб брендлар актриса билан ишлашни истади. Папарацилар унинг суратларини олишга шошилди. Сонам халқаро кинофестиваллар ва тадбирларга таклиф қилина бошлади. Аввалроқ бундай мавқе актриса Айшвария Райга тегишли бўлган.
Сонамнинг мода оламидаги ҳаракатлари уни бир неча йил давомида, ажойиб саундтрекка эга бўлган кичик романтик комедия “Мен севги ҳикояларидан нафратланаман” лойиҳасида суратга тушгунича сақлаб қолди. Кейинчалик актриса “Ойша” мелодрамасида суратга тушди ва ушбу фильмда мода вакили ролини ижро этди.
“Ошиқ ақлдан озган” романтик драмаси, “Югур, Милка, югур” биографик фильми, “Гўзал аёл” романтик комедияси ва “Нержа” драмаси — унинг карьерасидаги энг яхши лойиҳалар ҳисобланади. Охирги фильм учун актриса “Maxсус эслатма” номинациясида ҳинд Миллий мукофотига сазовор бўлди.
Актрисанинг кўплаб мухлислари Сонамнинг синглиси Рея уни ҳақиқий юлдузга айлантиргани ҳақида гапиради. Рея унинг иштирокида бир нечта яхши фильмларни суратга олди ва кўпинча актрисанинг стилисти сифатида ҳаракат қилди. Опа-сингиллар ўзларининг кийим-кечак брендини очди.
Сонам Капур 2018 йилнинг 8 майида ҳиндистонлик тадбиркор Ананд Ахужага турмушга чиқди ва ўтган йилнинг август ойида ўғли Ваюни дунёга келтирди. Шундан кейин актриса кинодаги фаолиятида бироз танаффус эълон қилди.
“Ҳозир ҳаётимда оилам ва болаларим ҳаётимда биринчи ўринда туради, бироқ ҳеч қачон ишлашни бутунлай тўхтатаман деб ўйламайман”, — дейди актриса.
Изоҳ (0)