Bollivud aktyori Shohrux Xonning o‘g‘li Aryan Xon aktyorlik sohasiga qiziqmaydi, biroq ssenariy yozish va rejissorlik qobiliyatiga ega. Aryan o‘zining rejissyorlik debyutini namoyish etilishi kutilayotgan “Yulduzlik” nomli serial bilan boshlaydi.
Bu kino sanoatida 6 qismli veb-serial bo‘ladi. Loyiha hozirda ishlab chiqarish bosqichida. Uni yaqinda muvaffaqiyatli “Pathan” blokbasteri bilan katta ekranga qaytgan Shohrux Xonga tegishli Red Chillies Entertainment ishlab chiqarmoqda.
Ma’lumot uchun, mashhur hind aktyori Shohrux Xon va dizayner Gauri Xonning to‘ng‘ich farzandi Aryan Xon 1997-yilning 13-noyabr sanasida dunyoga kelgan. Aryan 14 yoshga to‘lganda, Shohrux va Gauri uni paparatsilardan yashirish uchun Londondagi kichik xususiy maktabga yuborgan. Los-Anjelesdagi kino maktabining rejissorlik bo‘limini tugatgan Aryan filmlarda rol o‘ynashni xohlamasligini aytgan.
U shuningdek taekvondo bo‘yicha qora belbog‘ga ega va 2010-yilda Maxarashtra shtatidagi musobaqalarda oltin medalni qo‘lga kiritgan. Shohrux Xonning to‘ng‘ich 2021-yilda Mumbaydagi Cordelia Cruises kemasida o‘tkazilgan reyddan so‘ng Narkotik moddalarni nazorat qilish byurosi tomonidan hibsga olingan. Keyinchalik ozodlikka chiqarilgan Aryan Xon kinodagi faoliyatini rejissor sifatida boshlashga qaror qilgan.
Izoh (0)