Swarovski компанияси Marvel суперқаҳрамонларидан илҳомланиб яратилган заргарлик буюмлари коллекциясини тақдим этди. Коллекцияда Қора пантера, Ўргимчак одам, Халк қаҳрамонларининг шиша ва тошлардан ясалган ҳайкалчалари ҳамда олтин билагузуклар бор.
Аксарият буюмларни баъзи комиксларга қараганда арзонроқ сотиб олиш мумкин. Уларнинг нархи 85 доллардан 250 долларгача. Бироқ коллекцияда қимматроқ маҳсулотлар ҳам бор. Масалан, Қора пантера тақинчоғини 950 долларга, Халкнинг ажойиб шиша ҳайкалчасини эса 700 долларга сотиб олса бўлади.
Коллекциянинг асосий экспонатлари капитан Marvel ва Ўргимчак одам қаҳрамонининг 10 000 ва 23 000 долларлик ҳайкалчалари бўлди. Баландлиги 25,5 сантиметр бўлган суперқаҳрамонни сотиб олиш имкони мавжуд. Ўргимчак одам ҳайкалчасини яратиш бироз мураккаброқ, 56 сантиметрлик ҳайкалча фақат буюртма асосида яратилади. Уни ясаш учун 233 соат ва 32 000 та кристалл керак бўлади.
“Стен Ли моҳир ҳикоячи эди. У дунёга ажойиб даражада кучли ва ҳаяжонга солувчи супер қаҳрамонларни берди. Шу сабабли биз учун Marvel’нинг ушбу севимли суперқаҳрамонларини ўрганиш ва кристалл тошлар орқали уларнинг индивидуал ҳолатларини ифода этиш ҳақиқий шараф”, — дейди Swarovski ижодий директори Жованна Энгелберт.
Изоҳ (0)