Priyanka Chopra omadsiz plastik operatsiya tufayli ma’lum muddat filmlarda suratga tusha olmagani haqida so‘zlab berdi

Priyanka Chopra Bollivudning eng go‘zal aktrisalaridan biri hisoblanadi. U hind kino olamida uzoq vaqt davomida o‘z o‘rnini saqlab qoldi. Aktrisa intervyularining birida muvaffaqiyatsiz plastik operatsiya karyerasiga ta’sir ko‘rsatgani haqida gapirib berdi.

Aktrisaning aytishicha, shifokorlar unga burun bo‘shlig‘idagi polipni olib tashlashni tavsiya qilgan. “Bu ishni qilishdi va shundan keyin yuzim butunlay boshqacha ko‘rina boshladi. Qattiq tushkunlikka tushdim. Shu sabab uchta filmdan haydalganman, faoliyatim boshlanmasidan oldin tugadi”, — deydi Priyanka.

Aktrisaning ta’kidlashicha, vaziyat shunchalik yomonlashganki, u hatto o‘z uyidan chiqmaslikni xohlab qolgan. Bu borada aktrisaga shifokor onasi, otasi yordam bergan va unga jasorat topib, qayta operatsiya qildirishiga yordam bergan.

Bollivud rejissori Anil Sharma ham aktrisaga yordam bergan. “Meni bosh rolni o‘ynashim kerak bo‘lsa-da, ikkinchi darajali rolga o‘tkazishdi. U menga kichik rol berilishi, biroq bu o‘zimniki bo‘lishini aytdi”, — deydi aktrisa.