Boks bo‘yicha JCH—2023. Hasanboy Do‘stmatov meksikalik, Shodiyor Meliqo‘ziyev esa nepallik raqibiga imkon qoldirmadi va keyingi bosqich masalasini hal qildi

Toshkent mezbonligida o‘tayotgan boks bo‘yicha 2023-yilgi Jahon chempionatining 4-kungi bahslari 4-may, payshanba kuni bo‘lib o‘tmoqda.

-51 kg vazn toifasida Hasanboy Do‘stmatov Meksika vakili Alberto Ximenesga qarshi ringga ko‘tarildi. Do‘stmatov birinchi raundni faol boshlab, uni o‘z foydasiga hal qildi. Ikki va uchinchi raundlarda ham raqibiga imkon qoldirmagan o‘zbekistonlik bokschi yakunda 5:0 hisobida g‘alaba qozondi. 

-48 kg vaznda harakat qilayotgan Shodiyor Meliqo‘ziyev esa nepallik Rabin Tapaga qarshi jang qilib, 5:0 hisobida zafar quchdi.

4-may kungi bahslarda yana bir bokschi Ruslan Abdullayev (-63,5 kg) Oyer Ibarrechega (Ispaniya) qarshi jang qilib, birinchi raunddayoq g‘alaba qozondi.