Futzal bo‘yicha O‘zbekiston milliy terma jamoasi sentabr oyidagi o‘quv-yig‘in mashg‘ulotlarini Toshkentda o‘tkazadi.
Yig‘in davomida Bahodir Ahmedov murabbiyligi ostidagi terma jamoa Argentina vakillariga qarshi ikkita o‘rtoqlik uchrashuvini o‘tkazishi reja qilingan. Bu haqida O‘FA matbuot xizmati ma’lum qildi. Bahslar 14 va 15-sentabr kunlari bo‘lib o‘tadi.
Eslatib o‘tamiz, O‘zbekistonlik futzalchilar avvalroq Belarusga qarshi ikkita o‘rtoqlik o‘yini o‘tkazib, ularda mag‘lubiyatga uchragandi (1:3, 4:7). Shuningdek, mart oyida Braziliya bilan ham ikki marta o‘rtoqlik o‘yinida maydonga tushib, ikkalasida ham imkoniyatni boy bergandi (0:5, 0:4). Aprel oyida esa Eronga qarshi ikki o‘rtoqlik o‘yinida 3:5 va 1:8 hisoblarida mag‘lub bo‘lgandi.
Izoh (0)