O‘zbekiston o‘quvchilarni kasbga yo‘naltirishda Germaniya bilan hamkorlik qiladi

O‘zbekiston o‘quvchilarni kasb-hunarga yo‘naltirish sohasida Germaniya bilan hamkorlik qiladi. Bu haqda Maktabgacha va maktab taʼlimi vazirligi axborot xizmati xabar berdi.

Xabarga ko‘ra, Maktabgacha va maktab taʼlimi vazirligida Germaniya xalqaro hamkorlik tashkiloti (GIZ) vakillari bilan uchrashuv bo‘lib o‘tdi. Unda vazirning birinchi o‘rinbosari Usmon Sharifxo‘jayev, GIZ rahbari Mattias Klingenberg va ikki tomondan masʼullar ishtirok etdi.

Uchrashuv doirasida Maktabgacha va maktab taʼlimi vazirligi va  Germaniya xalqaro hamkorlik tashkiloti (GIZ) o‘rtasida “O‘zbekiston professional taʼlim tizimida islohotlar va zamonaviylashtirish jarayonlarini qo‘llab quvvatlash” loyihasi doirasida hamkorlik memorandumi imzolandi. Mazkur memorandum doirasida tomonlar jumladan:

• yoshlarni kasb-hunarga o‘qitishda birgalikdagi ilmiy-tadqiqot ishlarini olib borish;
• xorijiy tajribalarni o‘rganish hamda o‘quv tadbirlarini tashkil etish;
• o‘zaro hamkorlik doirasida axborot texnologiyalari sohasida birgalikda ishlashga kelishib oldi.