Ўзбекистон ўқувчиларни касб-ҳунарга йўналтириш соҳасида Германия билан ҳамкорлик қилади. Бу ҳақда Мактабгача ва мактаб таълими вазирлиги ахборот хизмати хабар берди.
Хабарга кўра, Мактабгача ва мактаб таълими вазирлигида Германия халқаро ҳамкорлик ташкилоти (GIZ) вакиллари билан учрашув бўлиб ўтди. Унда вазирнинг биринчи ўринбосари Усмон Шарифхўжаев, GIZ раҳбари Маттиас Клингенберг ва икки томондан масъуллар иштирок этди.
Учрашув доирасида Мактабгача ва мактаб таълими вазирлиги ва Германия халқаро ҳамкорлик ташкилоти (GIZ) ўртасида “Ўзбекистон профессионал таълим тизимида ислоҳотлар ва замонавийлаштириш жараёнларини қўллаб қувватлаш” лойиҳаси доирасида ҳамкорлик меморандуми имзоланди. Мазкур меморандум доирасида томонлар жумладан:
- ёшларни касб-ҳунарга ўқитишда биргаликдаги илмий-тадқиқот ишларини олиб бориш;
- хорижий тажрибаларни ўрганиш ҳамда ўқув тадбирларини ташкил этиш;
- ўзаро ҳамкорлик доирасида ахборот технологиялари соҳасида биргаликда ишлашга келишиб олди.
Изоҳ (0)