Futbol bo‘yicha Fransiya chempionatining 33-turidan o‘rin olgan qator uchrashuvlar 30-aprel, yakshanba kuni bo‘lib o‘tdi.
“PSJ” o‘z uyida “Loryan”ni qabul qildi. Uchrashuvning 15-daqiqasida mehmonlar hisobni ochdi. 20-daqiqada parijliklar himoyachisi Ashraf Hakimi ikkinchi sariq kartochkasini olib, maydondan chetlatildi va “PSJ” qolgan daqiqalarni bir o‘yinchi kam bo‘lib o‘tkazdi.
29-daqiqada Kilian Mbappe muvozanatni tikladi. Birinchi bo‘lim yakunida “Loryan” yana oldinga o‘tib oldi. 88-daqiqada mehmonlar uchinchi to‘pni ham kiritdi.
Shu tariqa Parij jamoasi mavsumdagi 6-mag‘lubiyatini qabul qilib oldi. Jamoa 75 ochko bilan peshqadam bo‘lib turibdi va bitta zaxira o‘yiniga ega “Marsel”ni 8 ochkoga ortda qoldirmoqda. “Loryan” esa ochkolarini 48 taga yetkazib, 10-pog‘onaga ko‘tarildi.
Liga 1
33-tur bahslari
30-aprel, yakshanba
“PSJ” – “Loryan” 1:3
Gollar: 0:1 – 15 Le Fe, 1:1 – 29 Mbappe, 1:2 – 39 Yongva, 1:3 – 88 Deng.
“PSJ”: Donnarumma, Hakimi, Ramos, Markinyos, Bernat (Mendesh, 56), Soler (Fabian Ruis, 46), Vitinya (Ekitik, 65), Danilu Pereyra (Zair-Emeri, 79), Verratti, Messi, Mbappe.
“Loryan”: Mvogo, Kalulu (Katlin, 65), Le Goff, Talbi, Meite, Yongva, Aberjel, Innosent (Kari, 59), Fevr, Le Fe (Ponko, 90), Kone (Deng, 64).
Ogohlantirishlar: Hakimi (5), Innosent (32), Markinyos (51), Le Fe (53), Verratti (73), Deng (77).
Chetlatish: Hakimi (20).
“Monako” – “Monpelye” 0:4
Gollar: 0:1 – 28 Norden, 0:2 – 65 Mauassa, 0:3 – 72 Norden, 0:4 – 79 Mavididi.
“Trua” – “Nitssa” 0:1
Gol: 0:1 – 2 Budaui.
Izoh (0)