Лига 1. “ПСЖ” ўз уйида мағлубиятга учради

Футбол бўйича Франция чемпионатининг 33-туридан ўрин олган қатор учрашувлар 30 апрель, якшанба куни бўлиб ўтди.

“ПСЖ” ўз уйида “Лорян”ни қабул қилди. Учрашувнинг 15-дақиқасида меҳмонлар ҳисобни очди. 20-дақиқада парижликлар ҳимоячиси Ашраф Ҳакими иккинчи сариқ карточкасини олиб, майдондан четлатилди ва “ПСЖ” қолган дақиқаларни бир ўйинчи кам бўлиб ўтказди.

29-дақиқада Килиан Мбаппе мувозанатни тиклади. Биринчи бўлим якунида “Лорян” яна олдинга ўтиб олди. 88-дақиқада меҳмонлар учинчи тўпни ҳам киритди.

Шу тариқа Париж жамоаси мавсумдаги 6-мағлубиятини қабул қилиб олди. Жамоа 75 очко билан пешқадам бўлиб турибди ва битта захира ўйинига эга “Марсель”ни 8 очкога ортда қолдирмоқда. “Лорян” эса очколарини 48 тага етказиб, 10-поғонага кўтарилди.

Лига 1

33-тур баҳслари

30 апрель, якшанба

“ПСЖ” – “Лорян” 1:3

Голлар: 0:1 – 15 Ле Фе, 1:1 – 29 Мбаппе, 1:2 – 39 Ёнгва, 1:3 – 88 Денг.

“ПСЖ”: Доннарумма, Ҳакими, Рамос, Маркиньос, Бернат (Мендеш, 56), Солер (Фабиан Руис, 46), Витиня (Экитик, 65), Данилу Перейра (Заир-Эмери, 79), Верратти, Месси, Мбаппе.

“Лорян”: Мвого, Калулу (Катлин, 65), Ле Гофф, Талби, Меите, Ёнгва, Абержел, Инносент (Кари, 59), Февр, Ле Фе (Понко, 90), Kone (Денг, 64).

Огоҳлантиришлар: Ҳакими (5), Инносент (32), Маркиньос (51), Ле Фе (53), Верратти (73), Денг (77).

Четлатиш: Ҳакими (20).

“Монако” – “Монпелье” 0:4

Голлар: 0:1 – 28 Норден, 0:2 – 65 Мауасса, 0:3 – 72 Норден, 0:4 – 79 Мавидиди.

“Труа” – “Ницца” 0:1

Гол: 0:1 – 2 Будауи.