Germaniyada ko‘plab sohalar qatorida, transport tizimi ham yaxshi rivojlangan. Mamlakat trapnsportining asosiy modullariga temir yo‘l, avtomobil, havo va suv yo‘llari kiradi. Germaniyadagi butun infratuzilma, transportni qo‘llab-quvvatlash tizimi, xizmatlar mamlakatning “Deutsche Bahn” kompaniyasiga tegishli. Uning mutaxassislari qariyb 34 ming kilometrga xizmat ko‘rsatadi, shundan 20 ming kilometri elektrlashtirilgan. 4 mingdan ortiq lokomotivlar yiliga 2 mlrdan ortiq yo‘lovchi va 300 mlndan tonnagacha turli yuklarni tashiydi.
“Deutsche Bahn” kompaniyasi tajribasini O‘zbekiston transport tizimiga tadbiq etilishi sohaning jadal o‘sishida o‘ziga xos platforma bo‘ladi.
Ushbu kompaniyaning xalqaro aloqalar departamenti boshlig‘i Ens Gryofer Markaziy Osiyo, ayniqsa, O‘zbekiston – Germaniya uchun muhim mintaqa ekanligini taʼkidladi.
“Deutsche Bahn” ko‘p yillardan buyon O‘zbekistonda faoliyat yuritib kelmoqda. Turli temiryo‘l loyihalarida, jumladan, Toshkent metropolitenini rivojlantirish, mintaqadagi transport tizimi uchun innovatsion bo‘lgan Qamchiq dovonida 19 km tunnel qurilishida ishtirok etgan”, — deydi u.
Ens Gryoferning so‘zlariga ko‘ra, rejalarda boshqa ko‘plab istiqbolli loyihalar ham bor.
“O‘zbekiston Prezidentining Germaniyaga tashrifi mamlakatlarimiz o‘rtasidagi alohida ishonchli munosabatlarning yorqin dalilidir. Oliy darajadagi faol muloqot O‘zbekiston va Germaniya bir-biriga katta qiziqish bildirayotganidan, faol kelajakni birga qurish istagidan dalolat beradi. Ishonchim komilki, bo‘lajak oliy darajadagi tashrif Germaniya va O‘zbekiston do‘stligi va iqtisodiy yo‘nalishdagi hamkorlikni kengaytirishga yangi surʼat bag‘ishlaydi.
Biz O‘zbekiston Prezidentini o‘z ishiga fidoyi deb bilamiz. U mamlakatni yanada izchil ravnaq toptirish tarafdori. Buni Yangi O‘zbekiston dasturi misolida ham ko‘rish mumkin. Davlat kelajagi haqiqatan ham yorqindir", — deya qo‘shimcha qiladi mutaxassis.
Izoh (0)