Qozog‘iston prezidenti Qosim-Jo‘mart To‘qayev Ostonada shaharni obodonlashtirish bo‘yicha o‘tkazilgan hasharda ishtirok etdi, deb xabar bermoqda Tengrinews.
To‘qayev “Jasil Astana” (Yashil Ostona) ekologik oyligi doirasida poytaxtdagi Liney bog‘ida shaharni tozalash va ko‘chat o‘tqazish ishlarida qatnashgan. Davlat rahbari hashar davomida ko‘ngillilar va talabalar bilan suhbatlashgan.
“Qozog‘iston — umumiy uyimiz. Uyimizni esa toza saqlashimiz kerak. Ko‘chatlar ekish va ko‘chalarni tozalash zarur. Bu bizning muqaddas fuqarolik burchimiz. Bizning bundan boshqa vatanimiz yo‘q. Men hammani mas’uliyatli fuqaro bo‘lishga chaqiraman. Va barchangizga, ayniqsa ko‘ngillilarga rahmat aytaman”, — dedi To‘qayev.
Hashar ishtirokchilari tomonidan 2 tup qarag‘ay, 39 tup jo‘ka (lipa)ko‘chatlari ekilgan.
Izoh (0)