Bundan 20 yil avval Xitoy tomonidan AQSHga do‘stlik elchisi sifatida yuborilgan Ya Ya ismli panda yaqin kunlarda Shanxayga yetib keladi. Bu haqda Xitoy o‘rmon va dasht xo‘jaligi davlat boshqarmasiga tayanib, “Xinhua” agentligi xabar bermoqda.
“Ya Ya 2000-yilning 3-avgustida Pekin hayvonot bog‘ida tug‘ilgan. Oradan uch yil o‘tgach, uni panda Le Le bilan birga Tennessi shtatidagi Memfis hayvonot bog‘iga olib kelishdi. Shu yilning fevral oyida Le Le vafot etdi, u esa 25 yoshga kirdi.
Aslida, Ya Ya Amerika hayvonot bog‘idan o‘n yil avval ko‘chirilishi kerak edi, biroq 2013-yilda uning qolish muddati yana o‘n yilga uzaytirildi.
Pandani qaytarish bo‘yicha yakuniy qaror 2022-yilning dekabr oyida qabul qilingan. Fevral oyida esa Memfisga kelgan xitoylik mutaxassislar Ya Yaga tuk to‘kilishiga olib keladigan teri kasalligi tashxisini qo‘ydi. Umuman olganda, pandaning sog‘lig‘i normal darajada edi.
Ya Yani ko‘chirishga tayyorlash uchun hayvonot bog‘i xodimlari uni Xitoydan keltirilgan pechenyelar bilan ovqantirdi. Shuningdek ko‘chirish paytida pandaga qulay bo‘lishi uchun maxsus tayyorgarliklar o‘tkazildi.
Xitoy hukumati XX asrning o‘rtalaridan boshlab “panda diplomatiyasi” deb atalgan usuldan foydalanmoqda. Bunda Xitoy butun dunyo bo‘ylab pandalarni hayvonot bog‘lariga jo‘natib, xalqaro aloqalar o‘rnatishga intiladi.
Izoh (0)