Ginnesning rekordlar kitobi AQSHda yashovchi Perl laqabli ikki yoshli chixuaxuani dunyodagi eng kichik it deb e’lon qildi, deb xabar bermoqda “Pravila jizni” nashri.
Perlning bo‘yi atigi 9,14 santimetr, uzunligi 12,7 santimetr va og‘irligi 553 grammni tashkil qiladi. Ya’ni, itning bo‘yi muzqaymoq tayoqchasidan, televizor pultidan kalta va taxminan bir dollarlik pulga teng.
Perl — 2020-yilda vafot etgan avvalgi rekordchi chixuaxua Millining avlodidan. Ikkinchi itning bo‘yi bu itga qaraganda biroz balandroq. Uning bo‘yi 9,65 santimetr bo‘lgan.
Tarixdagi eng keksa it — Portugaliyada yashovchi Bobi ismli it bo‘lib, u tez orada 31 yoshga kiradi. Bobining egasi uni ko‘zi ko‘rmaydigan paytda o‘limdan qutqarib qolgan. Ushbu it 1910—1939-yillarda yashagan itning rekordini yangilagan.
Izoh (0)