Amerikalik mashhur basketbolchi Maykl Jordanning 1998-yilda kiygan Air Jordan 13 krossovkasi Sotheby's’da 2,2 million dollarga sotildi, deb xabar bermoqda “Pravila jizni” nashri.
Basketbolchi krossovkalarni NBA pley-off finalining 2-o‘yinida “Yura Jazz”ga qarshi o‘yinda kiygan. Ushbu chempionatning finali Jordanning karyerasidagi oxirgisi bo‘lib, bu haqida Netflix va ESPN 2020-yilda “So‘nggi o‘yinchi” mini-serialini suratga olgan.
Jordan o‘yindan so‘ng bu krossovkalarni o‘yin davomida to‘plarni yetkazib beradigan o‘smir bolaga sovg‘a qilgan. Yigit kiyim almashtirish xonasidan yo‘qotgan kurtkasini topib olganidan keyin basketbolchi unga shu sovg‘ani bergan.
.jpg)
Krossovkalar 2-4 million dollarga baholangan, ya’ni ular boshlang‘ich narxidan atigi 200 ming dollar qimmatroqqa sotilgan. Biroq, bu kimoshdi savdolarida sport poyabzali narxi bo‘yicha yangi rekord o‘rnatish uchun yetarli bo‘ldi, deya qayd etadi CNBC nashri.
.jpg)
Avvalgi rekord 2021-yilning oktabr oyida Jordanning krossovkasi tufayli o‘rnatilgan edi. Keyinroq Nike brendi modeli Las-Vegasdagi Sotheby’s auksionida 1,47 million dollarga sotilgan.
2020-yilning may oyida esa 1985-yilda chiqarilgan va Maykl Jordanga tegishli bo‘lgan Nike Air Jordan 1 ham Sotheby's’da o‘sha paytdagi rekord darajadagi 560 000 dollarga sotildi. Mashhur basketbolchi ularni Chicago Bulls bilan o‘yinlarda kiygan va krossovkalarda uning imzosi bor.
Izoh (0)