Olimlar to‘tiqushlarga videoaloqa orqali bir-biri bilan muloqot qilishni o‘rgatdi va bu holatda qushlar o‘zini kamroq yolg‘iz his qilib, tez-tez sayray boshlagan.
Yakka holda yashash to‘tiqushlarda psixologik muammolarga olib kelishi mumkin, chunki ular odatda yovvoyi tabiatda katta to‘dalarda yashaydi. Agar to‘tiqush aniq yolg‘izlikdan azob chekayotgan bo‘lsa, u tebranadi va hatto patlarini yula boshlaydi.
Olimlar qushlarning yolg‘izlik muammosini videoaloqa orqali hal qilish mumkin degan qarorga keldi. 18 ta uyda yashovchi to‘tiqushlarning 1000 soatdan ortiq kadrlari tahlili shuni ko‘rsatdiki, ular videoaloqa paytida o‘zini yaxshi his qiladi, o‘zlariga g‘amxo‘rlik qiladi, qo‘shiq aytadi va o‘ynaydi.
Tajriba doirasida to‘tiqushlar qo‘ng‘iroq qilishni o‘rgangan, shundan so‘ng egalari yordamida planshet ekranidagi boshqa qush rasmiga tegib, u bilan gaplashgan. Tadqiqot natijasida qushlar bir-birlariga 147 marta qo‘ng‘iroq qilgan.
Tadqiqotchilar qushlar qarindoshlari bilan muloqot qilishayotganini tushungan, chunki ularning xatti-harakati real sharoitlarda o‘zaro ta’sirga o‘xshash degan xulosaga kelgan.
Izoh (0)