Олимлар тўтиқушларга видеоалоқа орқали бир-бири билан мулоқот қилишни ўргатди ва бу ҳолатда қушлар ўзини камроқ ёлғиз ҳис қилиб, тез-тез сайрай бошлаган.
Якка ҳолда яшаш тўтиқушларда психологик муаммоларга олиб келиши мумкин, чунки улар одатда ёввойи табиатда катта тўдаларда яшайди. Агар тўтиқуш аниқ ёлғизликдан азоб чекаётган бўлса, у тебранади ва ҳатто патларини юла бошлайди.
Олимлар қушларнинг ёлғизлик муаммосини видеоалоқа орқали ҳал қилиш мумкин деган қарорга келди. 18 та уйда яшовчи тўтиқушларнинг 1000 соатдан ортиқ кадрлари таҳлили шуни кўрсатдики, улар видеоалоқа пайтида ўзини яхши ҳис қилади, ўзларига ғамхўрлик қилади, қўшиқ айтади ва ўйнайди.
Тажриба доирасида тўтиқушлар қўнғироқ қилишни ўрганган, шундан сўнг эгалари ёрдамида планшет экранидаги бошқа қуш расмига тегиб, у билан гаплашган. Тадқиқот натижасида қушлар бир-бирларига 147 марта қўнғироқ қилган.
Тадқиқотчилар қушлар қариндошлари билан мулоқот қилишаётганини тушунган, чунки уларнинг хатти-ҳаракати реал шароитларда ўзаро таъсирга ўхшаш деган хулосага келган.
Изоҳ (0)