O‘zbekiston Hindiston bilan favqulodda vaziyatlarning oldini olish va bartaraf etish sohasida hamkorlik qiladi.
Xabarga ko‘ra, O‘zbekiston favqulodda vaziyatlar vaziri Abdulla Qo‘ldoshev boshchiligidagi delegatsiya Dehli shahrida SHHTga aʼzo davlatlar favqulodda vaziyatlarning oldini olish va oqibatlarini bartaraf etish idoralari rahbarlarining navbatdagi yig‘ilishida ishtirok etdi.
O‘zbekiston delegatsiyasi safar doirasida Hindiston Ichki ishlar vazirligi rahbariyati bilan uchrashuv o‘tkazdi. Uchrashuvda hind tomoni Nagpur shahridagi Yong‘in va xavfsizlik muhandisligi Milliy akademiyasida (National Academy of Fire and Safety Engineering – NAFS) o‘zbekistonlik mutaxassislarini o‘qitish va malakasini oshirishni tashkil etishga tayyorligi bildirildi.
Abdulla Qo‘ldoshev va Hindiston davlat ichki ishlar vaziri Nityanand Rai tomonidan O‘zbekiston FVV bilan Hindiston IIV Ofatlarni boshqarish milliy agentligi o‘rtasida favqulodda vaziyatlarning oldini olish va bartaraf etish sohasida hamkorlik to‘g‘risidagi anglashuv memorandumi imzoladi.
Izoh (0)