Toshkent viloyatida yashovchi 360 nafar xotin-qiz “Eʼzoz” loyihasi bo‘yicha sayohatga olib chiqildi. Bu haqda “Daryo”ga Toshkent viloyati hokimligi axborot xizmati xabar berdi.
Maʼlum qilinishicha, nogiron farzandi bor, ijtimoiy og‘ir ahvolga tushib qolgan xotin-qizlar Toshkent tumani hokimligi homiyligida Bo‘stonliq tumanidagi oromgohlarning birida ikki kun hordiq chiqargan.
“Toshkent tumanida istiqomat qiluvchi, ‘ayollar daftari’ning 4-toifasiga kiritilgan xotin-qizlar Bo‘stonliq tumanidagi bolalar oromgohiga ochiq tog‘ havosida madaniy, maʼrifiy tadbirlar va psixologik treninglar, ko‘ngilochar o‘yinlar, sport musobaqalariga boy bo‘lgan ekoturistik dam olish ва shou sayohatiga taklif qilindi. Mutlaqo yangi bo‘lgan “Eʼzoz” loyihasining maqsadi — onalar ва nogironligi bo‘lgan bolalarni imkoniyatlari to‘liq bo‘lgan boshqa bolalar qatori yashashga, hayotdan zavq olishga, viloyatning go‘zal go‘shalarini ko‘rib, yangi rejalardan ilhomlanishlari, shukronalik, minnatdorlik tuyg‘ularini aks ettirish orqali hayotda o‘z o‘rnilarini topishlariga imkon yaratishdan iboratdir”, — deydi viloyat hokimligi axborot xizmati xodimi Asqar Ismoilov.
Taʼkidlanishicha, mazkur loyiha doirasida OAV vakillari uchun mediatur ham tashkil etilib, dam olishga chiqqan xotin-qizlarning kayfiyati va viloyatda ularning muammosiga qay tarzda yechim topilayotgani bilan ham qiziqilgan.
Izoh (0)