Toshkent shahridagi xonadonlarning birida erkak spirtli ichimlik taʼsirida o‘zini yoqib yubordi. Bu haqda “Millar”da xabar berildi.
Xabarga ko‘ra, mazkur erkak rafiqasi bilan juda ko‘p janjallashishi, hamisha asabiy holatda yurishi qayd etilgan. Holat sodir bo‘lgan tunda ham ayoli bilan janjal sodir bo‘lgan. Erkak avvaliga uyga o‘t qo‘yishini aytgan. Birozdan so‘ng spirtli ichimlik taʼsirida mast bo‘lib qolgan va o‘zining ustidan etil spirtini quyib yoqib yuborgan.
Shifokorning taʼkidlashicha, bemor markazga olib kelinganda og‘ir ahvolda bo‘lgan. Unda 35 foiz kuyish jarohati aniqlangan. Ko‘rsatilgan tibbiy muolajalar natijasida ahvoli biroz yaxshilangan.
“Bemor tez yordam orqali Respublika shoshilinch tibbiy yordam ilmiy markaziga olib kelingan. Olib kelinganida ahvoli og‘ir edi. 35 foiz kuyish jarohatini olgan. Jarohatlari turli xil chuqurlikda. Bemorning boshi, tanasi va ikki qo‘l-oyoqlari alangadan kuygan. Olib borilgan tezkor tibbiy yordam natijasida hozirda uning ahvoli biroz yaxshilangan”, deydi reanimatolog.
Izoh (0)