Ўзбекистон Ҳиндистон билан фавқулодда вазиятларнинг олдини олишда ҳамкорлик қилади

Ўзбекистон Ҳиндистон билан фавқулодда вазиятларнинг олдини олиш ва бартараф этиш соҳасида ҳамкорлик қилади.

Хабарга кўра, Ўзбекистон фавқулодда вазиятлар вазири Абдулла Қўлдошев бошчилигидаги делегация Деҳли шаҳрида ШҲТга аъзо давлатлар фавқулодда вазиятларнинг олдини олиш ва оқибатларини бартараф этиш идоралари раҳбарларининг навбатдаги йиғилишида иштирок этди. 

Ўзбекистон делегацияси сафар доирасида Ҳиндистон Ички ишлар вазирлиги раҳбарияти билан учрашув ўтказди. Учрашувда ҳинд томони Нагпур шаҳридаги Ёнғин ва хавфсизлик муҳандислиги Миллий академиясида (National Academy оf Fire and Safety Engineering – NAFS) ўзбекистонлик мутахассисларини ўқитиш ва малакасини оширишни ташкил этишга тайёрлиги билдирилди.

Абдулла Қўлдошев ва Ҳиндистон давлат ички ишлар вазири Нитянанд Раи томонидан Ўзбекистон ФВВ билан Ҳиндистон ИИВ Офатларни бошқариш миллий агентлиги ўртасида фавқулодда вазиятларнинг олдини олиш ва бартараф этиш соҳасида ҳамкорлик тўғрисидаги англашув меморандуми имзолади.