Футбол бўйича Ўзбекистон ёшлар ва ўсмирлар терма жамоалари 25 апрель, сешанба куни ўртоқлик учрашувларида иштирок этди.
Ўзбекистон U-17 терма жамоаси Тошкентдаги “Локомотив” стадионида Яман жамоасига қарши майдонга тушди. Ўйиннинг 11-дақиқасида Яман футболчиси Аҳмед ал-Ҳажж ўз дарвозасини ишғол қилиб қўйди. 45-дақиқада эса Лазизбек Мирзаев ҳисобни мустаҳкамлади.
Иккинчи бўлимни яманликлар гол билан бошлади. 47-дақиқада Аббос Али Басарреа ҳисобни 2:1 кўринишига келтирди. 67-дақиқада Қувончбек Абраев пенальтидан гол урди. Дилшодбек Абдуллаев 85 ва 89-дақиқаларда гол уриб, ҳисоб йирик 5:1 бўлишини таъминлади.
Ўзбекистон U-20 терма жамоаси эса Доминиканга қарши ўйин ўтказди. Учрашувнинг 20-дақиқасида Шаҳзод Раҳматуллаев гол урган бўлса, 40-дақиқада Пўлатхўжа Холдорхонов пенальтини аниқ амалга оширди. Иккинчи бўлимда Аббос Файзуллаев ҳам пенальтидан гол киритди ва ҳисобни йирик кўринишга келтирди.
Аввалроқ Равшан Хайдаров шогирдлари ўртоқлик учрашувида Бразилияга йирик ҳисобда мағлуб бўлганди.
Ўртоқлик учрашувлари
25 март, сешанба
Ўзбекистон U-17 — Яман U-17 5:1
Голлар: 1:0 — 11, автогол Аҳмед ал-Ҳажж, 2:0 — 45 Мирзаев, 2:1 — 47 Али Басарреа, 3:1 — 67 Абраев (пен), 4:1 — 85 Абдуллаев, 5:1 — 89 Абдуллаев.
Ўзбекистон U-20 — Доминикан U-20 3:0
Голлар: 1:0 — 20 Раҳматуллаев, 2:0 — 40 Холдорхонов (пен), 3:0 — 75 Файзуллаэв.
Изоҳ (0)