Superliga. “Paxtakor” “OKMK” ustidan zafar quchdi, “So‘g‘diyona” “Qizilqum”ga qarshi bahsda mavsumdagi ilk g‘alabasiga erishdi

Futbol bo‘yicha O‘zbekiston Superligasining 7-turidan o‘rin olgan ikki o‘yin 22-aprel, shanba kuni bo‘lib o‘tdi.

“Paxtakor” safarda “OKMK” mehmoni bo‘ldi. Uchrashuvning 49-daqiqasida olmaliqliklar hisobni ochdi. Xurshid G‘iyosov o‘z nomiga gol yozdirib qo‘ydi. 65-daqiqada esa Dragan Cheran muvozanatni tikladi. 85-daqiqada esa Aziz Turg‘unboyev “Paxtakor”ga g‘alaba keltiruvchi gol muallifiga aylandi. 

“Paxtakor” ushbu g‘alabadan so‘ng ochkolari sonini 15 taga yetkazib, 2-o‘rinni egallab turibdi. “OKMK” esa 10 ochko bilan 8-o‘rindan joy olgan.

“So‘g‘diyona” esa “Qizilqum”ga qarshi bahs olib bordi va 1:0 hisobida zafar quchdi. Uchrashuvdagi yagona gol Zenan Zaymovich hisobiga yozildi.

Jizzaxliklar ochkolari sonini 5 taga yetkazib, 11-o‘ringa ko‘tarilib oldi. “Qizilqum” esa xuddi shuncha ochko bilan 12-pog‘onada bormoqda.

Superliga

7-tur bahslari

22-aprel, shanba

“OKMK” – “Paxtakor” 1:2

Gollar: 1:0 — 49 Xurshid G‘iyosov, 1:1 — 65 Dragan Cheran, 1:2 — 85 Aziz Turg‘unboyev.

“OKMK”: 25. Valijon Rahimov (1. Botirali Ergashev, 90), 2. Akramjon Komilov, 3. Sardor Rahmonov, 5. Anzur Ismoilov, 7. Dilshodbek Ahmadaliyev, 8. Abdulla Abdullayev (19. Muhammadanas Hasanov, 90), 9. Ruben Sanches (88. Siyavash Haqnazariy, 80), 10. Xurshid G‘iyosov, 15. Oybek Rustamov, 22. Shohruh Gadoyev (11. Irakli Ruhadze, 90), 27. Martin Boake (14. Mirjahon Mirahmadov, 80).

“Paxtakor”: 35. Sanjar Quvvatov, 3. Hojiakbar Alijonov, 5. Muhammadqodir Hamraliyev, 7. Odiljon Hamrobekov, 8. Azizbek Turg‘unboyev, 10. Dragan Cheran, 17. Doston Hamdamov, 27. Sardor Sobirxo‘jayev, 34. Farruh Sayfiyev, 77. Dilshod Saitov, 88. Shahzod Azmiddinov.

Ogohlantirishlar: Ruben Sanches (27), Shahzod Azmiddinov (34), Dragan Cheran (55), Muhammadqodir Hamraliyev (60).

“So‘g‘diyona” – “Qizilqum” 1:0

Gol: 1:0 — 73 Zenan Zaymovich

“So‘g‘diyona”: 27. Milan Mitrovich, 4. Elyor Orifov (14. Boburbek Yo‘ldoshev, 71), 9. Zenan Zaymovich, 10. Javohir Qahramonov, 11. Jasur Hasanov (26. Ulug‘bek Abdullayev, 78), 12. Xislat Xalilov (77. Daniel Nasriddinov, 71), 15. Tarik Isich, 18. Mirjalol Abdumutalov (8. Iskandar Shaykulov, 78), 22. Sanjar Shoahmedov (5. Ayubxon Nomanov, 90+1), 28. Stanislav Andreyev, 93. Marko Kolakovich.

“Qizilqum”: 35. Javohir Ilyosov, 4. Ilhom Vahobov, 5. Samandar Shukurillayev, 6. Murodbek Rahmatov, 10. Islom Kenjaboyev (26. Viktor Mbaoma, 82), 11. Jasur Xolto‘rayev (75. Oleg Tolmasov, 72), 13. Nikolay Tarasov, 23. Sherali Jo‘rayev (30. Islom Toshpo‘latov, 82), 24. Ifeani, Ifeani,  25. Azizbek Usmonov, 87. Alisher Sanoyev.

Ogohlantirishlar: Ifeani Ifeani (19), Murodbek Rahmatov (29), Sanjar Shoahmedov (36), Sherali Jo‘rayev (53), Daniel Nasriddinov (84).

Chetlatish: Murodbek Rahmatov (31). Ifeani Ifeani (90+6).