O‘zbekiston ko‘chmas mulk bozoridagi talab o‘zgarishlar tahlil qilindi. Bu haqda “Daryo”ga Iqtisodiy tadqiqotlar va islohotlar markazi xabar berdi.
Mart oyida ko‘chmas mulk bozorida faollikning biroz pasayishi qayd etildi. Bahorning birinchi oyida oldi-sotdi bitimlari soni 7,3 foizga kamayib, qariyb 21 mingtani tashkil etgan bo‘lsa, 2022-yilning mos davrida sotuvlar hajmi 2,9 foizga o‘sgan.
Umuman olganda, 2023 yilning 1-choragi natijalariga ko‘ra sotuvlar 2,7 foizga o‘sib, shartnomalar soni 61 mingdan oshdi. Shu bilan birga, 2021 yilning 1-choragi bo‘yicha o‘sish 5 foizni tashkil etdi.
Ikkilamchi ko‘chmas mulk bozori
O‘zbekistonda ikkilamchi bozorda (eski uylar) uy-joy narxining o‘sish sur’ati sekinlashdi.
Yanvar oyida 1 kvadrat metr uchun uy-joy narxining o‘rtacha o‘sishi — 0,9 foiz, fevral oyida — 4,5 foiz, mart oyida — 0,2 foiz bo‘lgan. 2022-yil mart oyidan beri ikkilamchi bozor 25,4 foizga o‘sgan.
Yil boshidan buyon ikkilamchi bozorda uy-joy narxining sezilarli o‘sishi Toshkent — 31,7 foiz, Andijon — 32,2 foiz va Farg‘ona — 37,7 foiz viloyatlarida kuzatildi.
Toshkent shahrining ikkilamchi bozorida oy davomida narxlarning o‘sish sur’ati biroz sekinlashdi va mart oyida 2,8 foizni, yanvar oyida 1,9 foiz, fevral oyida esa 3,8 foizni tashkil etdi.
Narx eng yuqori o‘sish sur’atlari Bektemir — 6,9 foiz, Yakkasaroy — 3,8 foiz va Uchtepa tumanlarida — 3,6 foiz qayd etildi.
Avvalroq Toshkentda uylarning ijara narxi pasayishda davom etayotgani haqida xabar berilgandi.
Izoh (0)