Qiziltepa tumani obodonlashtirish boshqarmasi 4 ta bayroqni 71 mln so‘mga sotib oldi

Navoiy viloyati Qiziltepa tumani obodonlashtirish boshqarmasi umumiy narxi 71 million 180 ming so‘mlik 4 ta O‘zbekiston bayrog‘i xarid qildi. Bu haqda “etender.uzex.uz” portalida xabar qilindi.

Boshqarma 6—13-aprel kunlari tender o‘tkazgan. Unga ko‘ra, g‘olib tashkilot o‘lchami 16x8 metrlik 4 dona bayroqni 20 kun ichida yetkazib berishi kerak. Lotning boshlang‘ich qiymati 71 million 680 ming so‘m etib belgilangan.

Tender savdolarida ikkita korxona raqobatlashgan. Yakuniy natijalarga ko‘ra, “Qiziltepa Elga Xizmat” MCHJ g‘olib bo‘lgan, “Cho‘lpon Savdo Servis” esa zaxira g‘olib sifatida ko‘rsatilgan.

Bir dona bayroqning narxi — 16 million so‘m (QQSdan tashqari).