Навоий вилояти Қизилтепа тумани ободонлаштириш бошқармаси умумий нархи 71 миллион 180 минг сўмлик 4 та Ўзбекистон байроғи харид қилди. Бу ҳақда “etender.uzex.uz” порталида хабар қилинди.
Бошқарма 6—13 апрель кунлари тендер ўтказган. Унга кўра, ғолиб ташкилот ўлчами 16х8 метрлик 4 дона байроқни 20 кун ичида етказиб бериши керак. Лотнинг бошланғич қиймати 71 миллион 680 минг сўм этиб белгиланган.
Тендер савдоларида иккита корхона рақобатлашган. Якуний натижаларга кўра, “Қизилтепа Элга Хизмат” МЧЖ ғолиб бўлган, “Чўлпон Савдо Сервис” эса захира ғолиб сифатида кўрсатилган.
.jpg)
Бир дона байроқнинг нархи — 16 миллион сўм (ҚҚСдан ташқари).
Изоҳ (0)