APL. “Liverpul” 7 ta gol urilgan o‘yinda raqibini tor-mor etdi, Saloh va Jotada dubl (video)

Futbol bo‘yicha Angliya Premyer Ligasining 31-turida “Liverpul” 17-aprel, dushanba kuni “Lids” maydoniga safar qildi.

Uchrashuvning 35-daqiqasida Kodi Gakpo mehmonlarning dastlabki golini urdi. 39-daqiqada Muhammad Saloh oradagi farqni oshirdi.

Ikkinchi bo‘limning 2-daqiqasida maydon egalari hisobni qisqartirdi. Shundan keyin “qizillar” raqib darvozasiga javobsiz to‘rtta to‘p kiritdi. Diogu Jota (2 ta), Saloh va Darvin Nunyes gollarga mualliflik qildi.

Yurgen Klopp qo‘l ostidagi jamoa barcha musobaqalar doirasida beshta o‘yin deganda ilk bor g‘alaba qozondi. “Manchester Yunayted”ga qarshi 7:0 hisobi bilan tugagan o‘yindan keyin mersisaydliklar g‘alaba nimaligini bilmay kelayotgandi.

31-tur o‘yinlaridan keyin musobaqa jadvali quyidagi ko‘rinishni oldi:

APL

31-tur bahsi

17-aprel, dushanba

“Lids” – “Liverpul” 1:6

Gollar: 0:1 – 35 Gakpo, 0:2 – 39 Saloh, 1:2 – 47 Sinisterra, 1:3 – 52 Diogu Jota, 1:4 – 64 Saloh, 1:5 – 73 Diogu Jota, 1:6 – 90 Nunyes.

“Lids”: Melye, Kristensen, Streyk, Kox, Firpo, Roka, Harrison (Nionto, 77), Makkenni, Aaronson (Ryutter, 66), Rodrigo (Sammervill, 66), Sinisterra (Forshou, 77).

“Liverpul”: Alisson, Aleksander-Arnold, van Deyk, Konate, Robertson, Henderson (Milner, 81), Fabinyo (Tiago Alkantara, 85), Jons, Saloh (Nunyes, 81), Diogu Jota (Firmino, 82), Gakpo (Dias, 81).

Ogohlantirish: Fabinyo (42).