Superliga. “Nasaf” “Bunyodkor”ga qarshi o‘yinning so‘nggi soniyalarida g‘alabani qo‘ldan chiqardi, “Neftchi” derbida “Turon”ni yutolmadi

Futbol bo‘yicha O‘zbekiston Superligasining 6-turidan o‘rin olgan ikkita o‘yin 17-aprel, yakshanba kuni bo‘lib o‘tdi.

“Bunyodkor” o‘z maydonida “Nasaf”ni qabul qildi. Uchrashuvning 20-daqiqasida qarshiliklar hisobni ochishi mumkin edi, biroq Sherzod Nasrullayev penaltidan unumli foydalana olmadi. Birinchi bo‘lim yakunida G‘olib G‘aybullayev mehmonlarni oldinga olib chiqdi.

71-daqiqada Umar Eshmurodovning chetlatilishidan keyin “Nasaf” maydonda bir o‘yinchi kam bo‘lib qoldi. So‘nggi daqiqalarda bosim tashkil qilgan maydon egalari hakam tomonidan qo‘shib berilgan daqiqalarning so‘ngisida hisobni tenglashtirishga erishdi.

Yana bir o‘yin “Neftchi” va “Turon” jamoalari o‘rtasida kechdi. Ikkinchi bo‘lim boshida Ulug‘bek Hoshimov Farg‘ona jamoasini hisobda oldinga boshladi. Bunga yaypanliklar asosiy vaqtning so‘nggi daqiqasida Abega Enyang Nguning goli bilan javob qaytardi.

6-turdan keyin musobaqa jadvali quyidagi ko‘rinishni oldi:

Superliga

6-tur bahslari

17-aprel, dushanba

“Bunyodkor” – “Nasaf” 1:1

Gollar: 0:1 – 40 G‘aybullayev, 1:1 – 90+6 Nosko.

“Bunyodkor”: 32. Suhrob Sultonov, 2. Aleksey Nosko, 4. Davronjon Ergashev, 6. Avazbek O‘lmasaliyev, 7. Akbar Ismatullayev (29. Muzaffar Olimjonov, 80), 11. Igor Ivanovich, 15. Jasur Hakimov (45. Farhod O‘tkurov, 67), 17. Viktor Sotnikau (10. Rasul Yo‘ldoshev, 46), 22. Usmonali Ismonaliyev, 33. Doniyor Abdumannopov (14. Ahmad Anvarov, 89), 34. Suhrob Izzatov.

“Nasaf”: 35. Abduvohid Ne’matov, 2. Alibek Davronov, 4. Husniddin Aliqulov, 5. G‘olib G‘aybullayev, 7. Akmal Mozgovoy, 15. Jo‘rabek Mannonov (28. Shuhrat Muhammadiyev, 87), 18. Bahrom Abdurahimov (99. Azizbek Omonov, 64) 19. Mateus Lima Kruz ( 22. Shohmalik Komilov, 87), 34. Sherzod Nasrullayev, 77. Oybek Bozorov, 92. Umar Eshmurodov.

Ogohlantirishlar: Hakimov (13), O‘lmasaliyev (18), Izzatov (31), Mozgovoy (31), Nasrullayev (48), G‘aybullayev (56), Ergashev (57).

Chetlatishlar: Turdialiyev (42), Eshmurodov  (71).

“Neftchi” – “Turon” 1:1

Gollar: 1:0 – 50 Hoshimov, 1:1 – 90 Enyang Ngu.

“Neftchi”: 45.Akbar To‘rayev, 2.Zoir Jo‘raboyev, 8.Nurillo To‘xtasinov, 9.Ulug‘bek Hoshimov (7.Umar Adhamzoda, 84), 19.Mirzohid G‘ofurov (s), 21.Muhsinjon Ubaydullayev, 22.Toma Tabatadze, 23.Diyor Turopov, 24.G‘ulom Haydayr G‘ulomov (11.Izzatilla Abdullayev, 90+2), 26.Oleksey Larin, 70.Abbos G‘ulomov (28.Fozil Musayev, 84).

“Turon”: 35.Rahimjon Davronov, 10.Humoyun Murtozayev (88.Milan Boyovich, 62), 11.Shohnazar Norbekov (49.Zakariya Beglarishvili, 62), 14.Xurshid Muxtorov, 15.Nikola Kumburovich, 17.Quvondiq Ro‘ziyev (9.Aziz Ibragimov, 83), 19.Sardor Abduraimov, 22.Dushan Stoilkovich (40.Abega Enyang Ngu, 83), 44.Anri Chichinadze, 55.Xushund Avilov, 77.Bilolxon Toshmirzayev (5.Marlen Chobanov, 90+4).

Ogohlantirishlar: Muxtorov (75), Beglarishvili (83), Chobanov (90+4).