“Muhtasham yuz yil”da Mehrimohning bolaligini gavdalantirgan aktrisa hozir qanday ko‘rinishga ega va nimalar bilan band?

Mehrimoh sulton Sulaymon va uning sevimli rafiqasi Xurram sultonning suyukli qizi edi. Serialda Mehrimoh rolini besh yoshli Aida Ajar ijro etgan.

U o‘z rolini a’lo darajada ijro etgan va o‘zining iste’dodli ijrosi bilan tomoshabinlar e’tiboriga tushgan. Shuningdek, kichkina aktrisaga juda ko‘p murakkab dialoglar berilgandi.  

Serial suratga olinganiga 12 yil bo‘ldi, biroq Aida Ajar hozirgi kunda ham katta talabga ega aktrisalardan biri hisoblanadi. U hozirda model va bolalar uchun yaratiladigan kiyim brendlarining “yuzi” sifatida suratga olish ishlarida ishtirok etadi.

Aktrisaning hozirgi ko‘rinishiga qarab “Muhtasham yuz yil” serialida Mehrimoh rolini ijro etgan kichkina qizaloqni tanib olish qiyin. Aida filmlarda rol ijro etmaydi, biroq uni katta ijodiy karyera kutmoqda.