To‘g‘ri ovqatlanish madaniyati aslida organizmga hech qanday foyda keltirmaydigan (aksincha, zararli) bir qator mahsulotlarni ommalashtirdi. Sog‘lom va parhezbop eng keng tarqalgan oziq-ovqat turlari xususida bilib oling.
Granola
Tayyor myussli juda to‘yimli bo‘lishiga qaramay, odatda ular tarkibida kaloriya va shakar miqdori ko‘p (xuddi shu narsa myussli batonchiklari uchun ham amal qiladi). Do‘kondan granola sotib olish o‘rniga, uni quritilgan mevalar va asal bilan shirinlik sifatida uyda tayyorlashga harakat qiling.
Proteinli batonchiklar
Protein majmuasi tarkibida ham protein ko‘p, lekin ko‘pincha ularga shakar, sun’iy ranglar, quyuqlashtiruvchi modda va boshqalar qo‘shiladi. Agar siz sport bilan shug‘ullansangiz va mushaklaringizga protein kerak bo‘lsa, uni tabiiy mahsulotlardan olgan yaxshi: go‘sht, baliq, tuxum, dukkaklilar.
Glyutinsiz gazaklar
Agar pechenye yoki non paketida “glyutinsiz” deb yozilgan bo‘lsa, bu bunday mahsulot boshqalarga qaraganda foydaliroq degani emas. Bunday gazaklarga e’tibor bergan holda sotib olish tavsiya etiladi. Aks holda, glyutin qo‘shmay pishirilgan mahsulotlar odatdagidek shakar, kaloriya va zararli sun’iy ingrediyentlarni o‘z ichiga olgan bo‘lishi ehtimoldan holi emas.
Ayrim o‘simlik yog‘lari
Organizm maromida ishlashi uchun omega-6 va omega-3 yog‘lariga muhtoj. Biroq ko‘pchilik odamlarda omega-6 yog‘i borasida nomutanosliblik yuz beradi. Shu sababli omega-6 ga boy oziq-ovqatlarni iste’mol qilishni cheklagan ma’qul. Ular orasida oddiy o‘simlik moylari: soya, makkajo‘xori, kungaboqar yog‘lari bor.
Yana bir yechim — diyetangizda omega-3 miqdorini oshirish. Uning asosiy manbalari — yog‘li baliq va zig‘ir yog‘laridir.
Go‘sht va sutning sabzavotli analoglari
Vegetarian yoki vegan diyetasiga rioya qilish sog‘liq va atrof-muhit uchun foydali bo‘lishi mumkin. Shu bilan birga ba’zi o‘simlikka asoslangan, go‘sht va sut o‘rnini bosuvchi moddalarda nosog‘lom qayta ishlangan ingrediyentlar va ko‘p miqdorda tuz yoki shakar mavjud. Yaxshisi, loviya qiymasi yordamida uyda mustaqil “go‘sht” tayyorlashga harakat qiling.
O‘simlik suti haqida gap ketganda ingrediyentlarni tekshiring: shakarsiz yong‘oq suti juda sog'lom variantlardan biridir.
Izoh (0)