Тўғри овқатланиш маданияти аслида организмга ҳеч қандай фойда келтирмайдиган (аксинча, зарарли) бир қатор маҳсулотларни оммалаштирди. Соғлом ва парҳезбоп энг кенг тарқалган озиқ-овқат турлари хусусида билиб олинг.
Гранола
Тайёр мюссли жуда тўйимли бўлишига қарамай, одатда улар таркибида калория ва шакар миқдори кўп (худди шу нарса мюссли батончиклари учун ҳам амал қилади). Дўкондан гранола сотиб олиш ўрнига, уни қуритилган мевалар ва асал билан ширинлик сифатида уйда тайёрлашга ҳаракат қилинг.
Протеинли батончиклар
Протеин мажмуаси таркибида ҳам протеин кўп, лекин кўпинча уларга шакар, сунъий ранглар, қуюқлаштирувчи модда ва бошқалар қўшилади. Агар сиз спорт билан шуғуллансангиз ва мушакларингизга протеин керак бўлса, уни табиий маҳсулотлардан олган яхши: гўшт, балиқ, тухум, дуккаклилар.
Глютинсиз газаклар
Агар печенье ёки нон пакетида “глютинсиз” деб ёзилган бўлса, бу бундай маҳсулот бошқаларга қараганда фойдалироқ дегани эмас. Бундай газакларга эътибор берган ҳолда сотиб олиш тавсия этилади. Акс ҳолда, глютин қўшмай пиширилган маҳсулотлар одатдагидек шакар, калория ва зарарли сунъий ингредиентларни ўз ичига олган бўлиши эҳтимолдан ҳоли эмас.
Айрим ўсимлик ёғлари
Организм маромида ишлаши учун омега-6 ва омега-3 ёғларига муҳтож. Бироқ кўпчилик одамларда омега-6 ёғи борасида номутанослиблик юз беради. Шу сабабли омега-6 га бой озиқ-овқатларни истеъмол қилишни чеклаган маъқул. Улар орасида оддий ўсимлик мойлари: соя, маккажўхори, кунгабоқар ёғлари бор.
Яна бир ечим — диетангизда омега-3 миқдорини ошириш. Унинг асосий манбалари — ёғли балиқ ва зиғир ёғларидир.
Гўшт ва сутнинг сабзавотли аналоглари
Вегетариан ёки веган диетасига риоя қилиш соғлиқ ва атроф-муҳит учун фойдали бўлиши мумкин. Шу билан бирга баъзи ўсимликка асосланган, гўшт ва сут ўрнини босувчи моддаларда носоғлом қайта ишланган ингредиентлар ва кўп миқдорда туз ёки шакар мавжуд. Яхшиси, ловия қиймаси ёрдамида уйда мустақил “гўшт” тайёрлашга ҳаракат қилинг.
Ўсимлик сути ҳақида гап кетганда ингредиентларни текширинг: шакарсиз ёнғоқ сути жуда соғлом вариантлардан биридир.
Изоҳ (0)