Pentagonning internetga sizdirilgan maxfiy hujjatlaridan birida Rossiya prezidenti Vladimir Putin kimyoterapiya olayotgani aytilgan. Bu haqda Mirror xabar berdi.
O‘tgan haftada AQSH razvedkasining Ukrainadagi urush bo‘yicha ma’lumotlarini o‘zi ichiga olgan maxfiy hujjatlari internetda tarqalib ketdi. Ular orasida Putin 5-mart kuni kimyoterapiya olishni rejalashtirgani keltiriladi.
Hujjatda yuqori martabali general Putin kimyoterapiya olayotgan paytda urushni “tashlab ketishi” yoki ataylab armiyani mag‘lub qilishni rejalashtirayotgani qayd etilgan.
Rossiya rahbari ortidagi mazkur ishda Rossiya Milliy xavfsizlik kengashi kotibi Nikolay Patrushev va Bosh shtab boshlig‘i Valeriy Gerasimov turgani taxmin qilinmoqda.
“Manbaga ko‘ra, Gerasimov hujumga qarshi bo‘lgan; u Putinga Ukraina Qurolli kuchlarining imkoniyatlari Rossiyanikidan ustun ekanini ma’lum qilgan va agar hujum davom etsa, Rossiya katta talafot ko‘rishidan ogohlantirgan”, — deyiladi xabarda.
Yana bir 53 sahifalik hujjatda Rossiyada Kremlning amaldagi rahbarini ag‘darish uchun qandaydir fitna va davlat to‘ntarishi tayyorlanayotgani aytilgan.
Izoh (0)