UzPaynet kompaniyasi 2022-yilda 108 mlrd so‘m foyda oldi. Bu haqda “Daryo”ga kompaniya moliyaviy hisobotidan ma’lum bo‘ldi.
Kompaniya daromadi o‘tgan yili 230,5 mlrd so‘m bo‘lgan. Bu 2021-yilgi 412 mlrd so‘mlik daromadga nisbatan qariyb ikki barobar kamroq.
Shunga qaramay, UzPaynet sof foydasi bir yilda 17 mlrd so‘mga ko‘paygan. Bunga xarajatlarni keskin kamaytirish orqali erishilgan.
UzPaynet 2021-yilda 17 mlrd so‘m soliq to‘lagan bo‘lsa, 2022-yilda bu ko‘rsatkich 8,6 mlrd so‘mni tashkil qilgan.
Kompaniya 100 foiz davlatga qarashli va 2022-yilda xususiylashtirish jarayoni boshlangan.
Kompaniya haqida
UzPaynet — Paynet to‘lov tizimining asoschisi hisoblanadi. U O‘zbekiston bozorida 2005-yildan buyon yirik to‘lov tashkilotlaridan biri sifatida faoliyat yuritib kelmoqda.
Kompaniya Paynet to‘lov tizimi ishlab chiqaruvchisi va savdo belgisi egasi hisoblanadi.
Hozirgi kunda 390 dan ortiq xizmat ko‘rsatuvchi provayderlar to‘lovlarni tizim orqali qabul qilmoqda — mobil aloqa, internet, uy-joy, sug‘urta, va boshqalar.
Tizim orqali har kuni 1,3 milliondan ortiq to‘lovlar 25 ming to‘lovni qabul qilish punkti va mobil ilova orqali amalga oshiriladi.
Izoh (0)