Rossiya prezidenti matbuot kotibi Dmitriy Peskov Qizil maydonda harbiy paradga tayyorgarlik ko‘rilayotgani va o‘tkazilishi rejalashtirilganini aytdi. Bu haqda “RIA Novosti” xabar berdi.
Peskovning so‘zlariga ko‘ra, 9-may kuni hududlarda paradlar o‘tkazish to‘g‘risida qaror qabul qilish hudud rahbarlarining vakolati hisoblanadi. Bunda ustuvor vazifa fuqarolar xavfsizligi ekani ma’lum qilindi. Bir qator Rossiya shaharlarida 9-may kuni o‘tkaziladigan G‘alaba paradi xavfsizlik nuqtayi nazaridan bekor qilingan.
“Paradni o‘tkazish hudud rahbarlarining vakolati, ular fuqarolar xavfsizligini ta’minlash manfaatlaridan kelib chiqqan holda qaror qabul qiladi. Bu asosiy va yagona ustuvor vazifadir. Asosiy paradga kelsak, unga hozirlik ko‘rilmoqda va o‘tkazish rejalashtirilmoqda”, — dedi Peskov jurnalistlarga.
Izoh (0)