O‘zbekistonda ayollar soni erkaklar sonidan 235 mingga kamroq ekani maʼlum bo‘ldi. Statistika agentligi axborot xizmati bu bo‘yicha maʼlumot taqdim etdi.
Agentlik axborot xizmatining bergan maʼlumotiga ko‘ra, respublikaning doimiy aholisi 36 million 197 ming 781 kishini tashkil etgan. Unda ayollar soni 17 million 981 ming 152 kishini, erkaklar soni esa 18 million 216 ming 629 kishini tashkil etmoqda.
Qayd etilishicha, 2023-yilning 1-aprel holatiga doimiy aholi tarkibidagi erkaklar soni ayollar sonidan 235 477 nafarga ko‘p.
Maʼlumot uchun, 2023-yilning 1-yanvar holatiga doimiy aholi tarkibidagi erkaklar soni ayollar sonidan 232 210 nafarga ko‘p bo‘lgan. Mazkur davrda aholi soni 36 million 024 ming 946 kishini tashkil etgan.
Izoh (0)