Ўзбекистонда аёллар сони эркаклар сонидан 235 мингга камроқ экани маълум бўлди. Статистика агентлиги ахборот хизмати бу бўйича маълумот тақдим этди.
Агентлик ахборот хизматининг берган маълумотига кўра, республиканинг доимий аҳолиси 36 миллион 197 минг 781 кишини ташкил этган. Унда аёллар сони 17 миллион 981 минг 152 кишини, эркаклар сони эса 18 миллион 216 минг 629 кишини ташкил этмоқда.
Қайд этилишича, 2023 йилнинг 1 апрель ҳолатига доимий аҳоли таркибидаги эркаклар сони аёллар сонидан 235 477 нафарга кўп.
Маълумот учун, 2023 йилнинг 1 январь ҳолатига доимий аҳоли таркибидаги эркаклар сони аёллар сонидан 232 210 нафарга кўп бўлган. Мазкур даврда аҳоли сони 36 миллион 024 минг 946 кишини ташкил этган.
Изоҳ (0)