Gaagadagi Xalqaro jinoiy sudda harbiy jinoyatlarda ayblanayotgan qisman tan olingan Kosovo sobiq prezidenti Hoshim Tachi ishi bo‘yicha sud jarayoni boshlandi. Bu haqda BBC xabar berdi.
Ayblov 1990-yillar oxiri, uning Serbiyadan mustaqil bo‘lish uchun kurashgan Kosovo ozodlik armiyasiga (KOA) rahbarlik qilgan davrga to‘g‘ri keladi. Tachi o‘nta harbiy jinoyatlar punkti, jumladan qotillik, odamlarning g‘oyib bo‘lishi, ta’qib va qiynoqlarda ayblanmoqda.
Mazkur ishda Kosovo ozodlik armiyasining yana uch sobiq a’zosi —Kadri Veseli, Yakup Krasnichi va Rejep Selimi ishtirok etmoqda. To‘rt sudlanuvchi ham o‘z aybiga iqror bo‘lmagan.
Prokuror Aleks Uaytingning aytishicha, KOA “hamkorlar va sotqinlar, jumladan, siyosiy raqiblarni nishonga olish bo‘yicha juda aniq siyosatga ega”. Ayblov Kosovo bo‘ylab yuzlab qotilliklar va noqonuniy hibsga olishlar uchun KOA mas’ul ekanini, to‘rt nafar ayblanuvchi esa KOA Bosh shtabining harbiy rahbarlari sifatida javobgar ekanini isbotlashi aytilgan.
Taxminlarga ko‘ra, ayblanuvchilarning advokatlari KOA kuchsiz tashkil etilgan partizanlar guruhi bo‘lgani, ayblanuvchilar mahalliy jangarilar ustidan unchalik nazoratga ega bo‘lmagani va shu uchun ular javobgar bo‘lmaslik pozitsiyani bildiradi.
Ish Yevropa Ittifoqining talabi bilan 2015-yilda tashkil etilgan Kosovo bo‘yicha sudning maxsus palatasida ko‘rilmoqda. Palata Gaagada joylashgan qisman tan olingan respublika qonunlari asosida ishlaydi.
Ma’lumot o‘rnida, Xalqaro jinoiy sud 17-mart kuni Xalqaro jinoiy sud Rossiya prezidenti Vladimir Putinni Ukrainadagi harbiy jinoyatlarda ayblanib, hibsga olishga order berdi. Medvedev Putinning xorijda hibsga olinishi urush e’lon qilish bilan barobar bo‘lishini aytdi. Rossiya Putinni hibsga olishga order bergan Gaagadagi Xalqaro sud prokurori va sudyalariga qarshi jinoiy ish ochdi.
Zelenskiy Putinning hibsga olinishiga berilgan orderni “burilish nuqtasi” deb atadi. Germaniya Putin mamlakatga qadam bossa, hibsga olinishini ma’lum qildi. Yaqinda Rim statutini ratifikatsiya qilgan Armaniston Putin hibsga olinmasligi haqida ma’lumot berdi.
Izoh (0)