Xalqaro Gaaga sudi 17-mart, juma kuni Rossiya prezidenti Vladimir Putinni hibsga olishga order berdi.
Rossiya rahbari Ukrainada sodir etilgan harbiy jinoyatlar uchun javobgarlikda ayblanmoqda. Shuningdek, sud Rossiyaning bolalar huquqlari bo‘yicha komissari Mariya Lvova-Belovani hibsga olish uchun ham order berdi.
“Janob Vladimir Vladimirovich Putin, 1952-yil 7-oktabrda tug‘ilgan, Rossiya prezidenti, aholini (bolalarni) noqonuniy deportatsiya qilish va Ukrainaning bosib olingan hududlaridan Rossiya hududiga aholini (bolalarni) noqonuniy ko‘chirish kabi harbiy jinoyatlar uchun javobgardir. Jinoyatlar Ukrainaning bosib olingan hududida kamida 2022-yil 24-fevraldan beri sodir etilgan. Rossiya prezident yuqorida qayd etilgan jinoyatlar uchun, qilmishlarni bevosita, boshqalar bilan birgalikda va/yoki boshqalar orqali sodir etgani uchun shaxsiy jinoiy javobgarlikka tortiladi, deb hisoblash uchun kerakli asoslar mavjud”, — deyiladi Gaaga sudi bayonotida.
Izoh (0)