Гаагадаги Халқаро жиноий судда ҳарбий жиноятларда айбланаётган қисман тан олинган Косово собиқ президенти Ҳошим Тачи иши бўйича суд жараёни бошланди. Бу ҳақда BBC хабар берди.
Айблов 1990 йиллар охири, унинг Сербиядан мустақил бўлиш учун курашган Косово озодлик армиясига (КОА) раҳбарлик қилган даврга тўғри келади. Тачи ўнта ҳарбий жиноятлар пункти, жумладан қотиллик, одамларнинг ғойиб бўлиши, таъқиб ва қийноқларда айбланмоқда.
Мазкур ишда Косово озодлик армиясининг яна уч собиқ аъзоси —Кадри Весели, Якуп Красничи ва Режеп Селими иштирок этмоқда. Тўрт судланувчи ҳам ўз айбига иқрор бўлмаган.
Прокурор Алекс Уайтингнинг айтишича, КОА “ҳамкорлар ва сотқинлар, жумладан, сиёсий рақибларни нишонга олиш бўйича жуда аниқ сиёсатга эга”. Айблов Косово бўйлаб юзлаб қотилликлар ва ноқонуний ҳибсга олишлар учун КОА масъул эканини, тўрт нафар айбланувчи эса КОА Бош штабининг ҳарбий раҳбарлари сифатида жавобгар эканини исботлаши айтилган.
Тахминларга кўра, айбланувчиларнинг адвокатлари КОА кучсиз ташкил этилган партизанлар гуруҳи бўлгани, айбланувчилар маҳаллий жангарилар устидан унчалик назоратга эга бўлмагани ва шу учун улар жавобгар бўлмаслик позицияни билдиради.
Иш Европа Иттифоқининг талаби билан 2015 йилда ташкил этилган Косово бўйича суднинг махсус палатасида кўрилмоқда. Палата Гаагада жойлашган қисман тан олинган республика қонунлари асосида ишлайди.
Маълумот ўрнида, Халқаро жиноий суд 17 март куни Халқаро жиноий суд Россия президенти Владимир Путинни Украинадаги ҳарбий жиноятларда айбланиб, ҳибсга олишга ордер берди. Медведев Путиннинг хорижда ҳибсга олиниши уруш эълон қилиш билан баробар бўлишини айтди. Россия Путинни ҳибсга олишга ордер берган Гаагадаги Халқаро суд прокурори ва судьяларига қарши жиноий иш очди.
Зеленский Путиннинг ҳибсга олинишига берилган ордерни “бурилиш нуқтаси” деб атади. Германия Путин мамлакатга қадам босса, ҳибсга олинишини маълум қилди. Яқинда Рим статутини ратификация қилган Арманистон Путин ҳибсга олинмаслиги ҳақида маълумот берди.
Изоҳ (0)