Qozog‘iston hukumati yangi konstitutsiyaga muvofiq, respublika parlamenti quyi palatasining saylovidan keyin bugun, 29-mart kuni VIII chaqiriq parlamentning birinchi sessiyasi boshlanishidan oldin iste’foga chiqdi. Respublika prezidentining tegishli qarori imzolandi va Oqo‘rda saytida e’lon qilindi.
Farmonda Qozog‘iston hukumati respublika hukumatining yangi tarkibi tasdiqlanmaguncha o‘z vazifalarini bajarishi aytiladi.
Avvalroq bosh vazir Alixon Smailov Vazirlar Mahkamasi yangi saylangan parlamentga iste’fo berishga tayyorlanayotgani haqida ma’lum qilgandi. Yangi hukumat tuzilgunga qadar hukumatning barcha a’zolari o‘z vazifalarini bajaradi.
“Yangi bosh vazir kim bo‘lishi prezident va Majlisning ixtiyorida. Tabiiyki, biz har qanday vaziyatga tayyor turamiz”, — dedi Smailov.
Alixon Smailov boshchiligidagi hukumat 2022-yil yanvar voqealaridan ko‘p o‘tmay tuzilgandi. O‘tgan bir yildan ortiq vaqt ichida Vazirlar Mahkamasi tarkibida ham, tuzilmasida ham o‘zgarishlar bo‘ldi.
Izoh (0)