Merilin tuflisi, Beatles krossovkasi: Mashhur insonlar sharafiga nomlangan garderob elementlari (foto)

Moda uylari va brendlar ko‘pincha o‘z mahsulotlarini mashhur insonlarning nomi bilan atashadi, buning uchun ular bilan hamkorlik qilish shart emas, ba’zi dizaynerlar o‘tgan yillardagi uslublardan ilhomlanib bu narsalarni yaratgan.

Keyt Middlton nomi bilan atalgan oq bluzka

Keyt Middlton — kiyinish borasidagi nafis va ajoyib tanlovi bilan ko‘plab ayollarning qalbidan joy olgan. Kembrij gersoginyasi amerikalik va britaniyalik dizaynerlarning oddiy uslubdagi kiyimlarini kiyishni afzal ko‘radi va ommaviy ishlab chiqarilgan mashhur brend liboslarini kiyishdan uyalmaydi. Ba’zi brendlar qirollik sevgisiga minnatdorchilik sifatida kiyimlarini monarxlar nomi bilan atashadi. Britaniyaning Whistles brendi bluzka ishlab chiqardi va uni Keyt deb nomladi. Bu Middlton oq Whistles bluzkasini kiygan holda unashtiruv marosimiga kelganidan keyin sodir bo‘ldi. Ko‘p o‘tmay do‘kon peshtaxtalarida gersoginya nomi bilan atalgan xuddi shu modeldagi bluzka paydo bo‘ldi. Bluzka chegaralangan miqdorda ishlab chiqarilgan.

Keyt Middltonning obrazlari nafaqat jurnalistlar, balki dizaynerlarning ham e’tiboridan chetda qolmaydi. U chiqishlarining birida MaxMara klassik yoqasi bor oq kashmir paltosida namoyon bo‘lgach, brend kiyim modelini qaytadan chiqardi va uni gersoginya sharafiga nomladi.

Moda muzeyi ko‘rgazmalar bo‘limi boshlig‘i Polina Uxanovaning so‘zlariga ko‘ra, birinchi bo‘lib dizaynerlar va modelyerlar qirollik oila a’zolari, ularning sevimlilari va aristokratiya vakillari hamkorlik qilgan. Birinchi moda mahsuloti XVII asrning “floranj” bantigi bo‘lib, Lui XIV ning sevgilisi Anjelik de Floranj nomi bilan atalgan.

Bridjit Bardo bardotkasi

Dizaynerlar o‘z ijodlarini faqatgina qirollik oila a’zolariga bag‘ishlamadi. Tor, qattiq matodan ishlangan bluzka aktrisa Brijit Bardo sharafiga — bardotka deb atalgan. U filmlardan birida shu bluzkada namoyon bo‘ldi va kiyim tezda mashhur bo‘ldi. Kiyim fransuz dizayneri Jan-Pol Gotye tomonidan yaratilgan. U bluzkalarning bir nechta turlarini ishlab chiqdi. Dizayner tomonidan o‘ylab topilgan bardotka sahnadagi chiqishlar uchun mo‘ljallangan bo‘lib, uni kechki tadbirlarga ham kiyish mumkin. Bugungi kunda bardotka bluzkasi zamonaviy modaga qarab kiyinuvchi ayollar garderobining ajralmas qismiga aylandi va Dolce & Gabbana modalar uyi kabi dizaynerlar orasida eng sevimli kiyimdan biriga aylandi.

Bleyk Layvli nomiga qo‘yilgan poyabzal

Ko‘pgina modani kuzatuvchi ayollar garderoblarida Kristian Lubuten poyabzali bo‘lishini orzu qiladi. Agar harakat qilsangiz, bu istak amalga oshishi mumkin. Biroq elita poyabzal dizayneri o‘zining eng yaxshi ijod namunalaridan birini kimningdir nomiga qo‘yganini maqtash umuman boshqa masala. Amerikalik aktrisa Bleyk Layvli ham bor. Gollivud modaistining kolleksiyasida 300 ga yaqin poyabzal bor, ulardan 40 tasi lubuten hisoblanadi.

Bleyk yozda Parijda “G‘iybatchi qiz” filmining suratga olish jarayonlarida dizaynerning ish joyiga ekskursiyaga boradi. U aktrisaga o‘sha paytda yaratayotgan oyoq kiyim modelini ko‘rsatdi. Oyoq kiyimlarning go‘zalligidan hayratda qolgan aktrisa dizaynerga oyoq kiyimlarini yostig‘i ostiga qo‘yib uxlashga tayyorligini aytdi va kutilmagan javobni oldi.

“Men ularni sizning sharafingizga nomlayman”, — deb aytadi va 2010-yilda Kristian Lubuten The Blake deb nomlangan bosonojkalar modelini chiqardi. U turli rangdagi kamar va ingichka shpilkalardan tashkil topgan.

Merilin tuflisi

XX asrning eng mashhur aktrisalaridan biri Merilin Monro ham ko‘plab zamonaviy dizaynerlar uchun ilhomlantiruvchi hisoblanadi. 2012-yilda Fratelli Rossetti italyan poyabzal brendi Merilin Monro sharafiga tufli yaratdi va ularni Lady Brera deb nomladi. Tufli klassik Brera loafersning biroz o‘zgartirilgan modeli bo‘lib, uchli va poshnali tuzilishga ega. Poyabzalning yorqin qizil rangi Merilinning sevimli lab bo‘yog‘ining rangini eslatadi va ushbu modelni ishlab chiqarish uchun asosiy materialga aylangan timsoh terisi poyabzal nomiga qaraganda kamroq e’tiborni tortadi.

Qirolicha uchun ajoyib poyabzal

Ledi Gaganing g‘ayrioddiy uslubi va o‘zgachaligi bir vaqtning o‘zida ikkita taniqli rassom uchun ilhom manbai bo‘ldi — Brayan Etvud va Kristian Lubutin o‘zlarining poyabzallarini xonandaga bag‘ishladi. Dizayner Brayan Etvudning Fame qora charmdan ishlangan, poshnalari oltin rangli poyabzali 2012-yilda taqdim etildi va bir vaqtning o‘zida xonanda tomonidan chiqarilgan xuddi shu nomdagi parfyum shishasiga o‘xshardi. Xonandaga 23 sm balandlikdagi poshnali va og‘ir platforma shunchalik yoqdiki, u tez-tez omma oldida bu oyoq kiyim bilan ko‘rinish berdi.

Yana bir dizayner Kristian Lubutin Ledi Gaga uchun poyabzal yaratdi. Yupqa poshnali teridan yasalgan poyabzal xonanda afzal ko‘rgan baland platformadan qolishmadi. Oyoq kiyim shu qadar mashhur bo‘ldiki, dizayner modelga turli xil bezak va ranglarni qo‘shishga qaror qildi.

Beatles guruhining qo‘shig‘i nomi bilan atalgan krossovka

Musiqa sanoati vakillari ko‘pincha o‘z nomi bilan atalgan kolleksiyalarning egalari bo‘ladi. Amerikaning Vans sport poyabzallari brendi Beatles a’zolari bilan birgalikda 2014-yilda guruhning shu nomdagi qo‘shig‘iga bag‘ishlangan Yellow Submarine krossovkalari kolleksiyasini yaratdi. Bu g‘oya kompaniya rassomlariga 1968-yilda chiqqan “Sariq suv osti kemasi” multfilmini tomosha qilgandan keyin kelgan. Kolleksiya guruh a’zolarining animatsion portretlari va multfilmning turli sahnalari aks ettirilgan to‘rt juft klassik krossovkadan iborat.

Birkin va Kelli sumkalari

Eng afsonaviy va orzulardagi aksessuarlardan biri, Hermes moda uyining sumkalari o‘z nomlarini tarixda qoldirdi. Sumkaning nomi modada iz qoldirgan ayollar sharafiga qo‘yilgan.

Birkin sumkasi g‘oyasi fransuz aktrisasi Jeyn Birkinga tegishli. Hermer modular uyi direktori 1984-yilda aktrisa bilan bir samolyotda uchgan. Aktrisa suhbat davomida hamyonida ichki bo‘limlar yo‘qligidan shikoyat qildi, keng va yaxshi modeldagi sumkaga ega bo‘lish ajoyibligini aytdi. Jeyn Birkin nomini olgan mashhur Hermes sumkasi g‘oyasi paydo bo‘lganda, samolyotdagi suhbat moda sanoatini tubdan o‘zgartirdi. Bu buzoq terisidan tayyorlangan model bo‘lib, uning standart o‘lchamlari 35, 40 va 45 santimetrni tashkil etadi. Sumkaning lakonik dizayni kichik oltin yoki platina qisqichdan, shuningdek, mahsulotning astaridagi kompaniya brendidan tashqari hech qanday bezaklardan iborat emas.

Kelli sumkasi o‘zining mashhur “singlisi”dan ancha oldin, XIX asrning 90-yillarida ishlab chiqarilgan va “Sac à dépêches” deb nomlangan. Sumka 1956 yilda, Monako malikasi Greys Kelli tufayli mashhurlikka erishdi. Uning fotosuratlari Life jurnalining muqovasida chop etildi va sumkani eng qimmat aksessuarlardan biriga aylantirdi. Xuddi shu yili Hermes modalar uyi sumkaning modelini o‘zgartirdi va unga rasmiy Kelli nomini berdi. Sumka trapezoidal shaklga ega va bitta tutqichdan iborat, biroq uni yelkaga taqsa ham bo‘ladi. Bugungi kunda mazkur modelning turli xil rang va o‘lchamdagi varianlari mavjud.

Birinchi xonim uchun sumka

Hermesning Kelli sumkasi singari Gucci tomonidan yaratilgan Jackie O sumkasi dastlab mashhur inson uchun ishlab chiqarilmagan, biroq sumka modeli egasi tufayli butun dunyoga mashhur bo‘lgan nomni oldi. 1947 yilda Gucci bambuk tutqichli va charmdan tikilgan ayollar aksessuari Icon yelkaga taqiladigan sumkasini chiqardi. Keyinchalik sumka modeli Amerikaning birinchi xonimi Jaklin Kennedi Onassis nomini oldi.

Jeki 60-yillarda ko‘pincha sevimli sumkasi bilan tadbirlarda ko‘rinish berdi. Gucci sumka modelining muvaffaqiyati ortidan, sumkaning nomi o‘zgartirilib, u eng mashhur egasi Jeki nomi bilan ataldi. Keng sumka kesilgan piramidaga o‘xshaydi, H shaklidagi katta qisqichga ega va kalta tasmadan iborat. 2009-yilda Gucci modelni yangiladi, brend o‘rtacha va katta o‘lchamda, turfa rangdagi sumkalarni o‘z ichiga olgan yangi New Jackie O aksessuarlar kolleksiyasini chiqardi.