Kiyinishda nafaqat zamonaviy, balki bir necha yilga yoshroq ko‘rinishga yordam beradigan maslahatlar

Yosh bu — shunchaki raqam. Haqiqatan ham o‘zingizni qanchalik yosh his qilishingiz faqatgina o‘zingizga bog‘liq. To‘g‘ri tanlangan kiyim ham o‘zimizga bo‘lgan hurmatni oshirish va bizni yanada ishonchli qilish qobiliyatiga ega. Bundan tashqari, kiyim-kechak yordamida ularni qanday qilib to‘g‘ri birlashtirishni bilsangiz va qomatingizga mos uslublarni tanlasangiz, ancha yoshroq ko‘rinishingiz mumkin.

Jinsi shimlaringizni yangilang

Eski jinsi shimlar yoshingizga yosh qo‘shadi, shuning uchun jinsilarning uslubi, uzunligi va rangi bo‘yicha eng so‘nggi tendensiyalardan xabardor bo‘lish foydali. Hozirda moda juda ko‘p variantlarni taklif qiladi. Misol uchun, agar qomatingiz qum soati shaklida bo‘lsa, unda uzun jinsi shim sizga mos keladi, chunki ular ingichka belni ta'kidlaydi. Umuman olganda, juda ko‘p bezakli jinsilardan saqlaning, chunki ular har qanday kiyimni eskirgan ko‘rinishga olib keladi.

Yorqin ranglarni tanlang

Bir xil ranglar ajoyib, lekin ular bilan ham qachon to‘xtash kerakligini bilish kerak. Ba'zi moda mutaxassislarining fikriga ko‘ra, butunlay ranglarda kiyinish orqali obrazingiz yorqin va dinamik bo‘lmaydi. Agar yoshroq ko‘rinishni istasangiz, oq, firuzaranglarga ustunlik bergan ma’qul.

Yorqin ranglar kombinatsiyasi bilan tajriba qilishdan qo‘rqmang. Ko‘pgina stilistlar g‘ayrioddiy rang sxemalarini sinab ko‘rishni tavsiya qiladi — bu bilan zamonaviy va yosh ko‘rinasiz.

Bir vaqtning o‘zida bir xil kolleksiyadagi zargarlik buyumlarini taqmang

Agar eski uslubda ko‘rinishni xohlamasangiz, zargarlik buyumlari to‘plamini yoki butunlay bir xil uslubda ishlangan zargarlik buyumlarini taqmang. Xuddi shu narsa katta o‘lchamdagi zargarlik buyumlariga ham tegishli. Buning o‘rniga, bir-birini to‘ldiradigan aksessuarlarni tanlang. Misol uchun, katta bo‘yinbog‘ va yengil sirg‘alar bilan keng kamar yoki zargarlik buyumlari turli materiallardan yasalgan bo‘lsin. Shunday qilib, kiyimingiz yangi va zamonaviy ko‘rinadi.

Libosingizdagi printlarga e'tibor bering

Ko‘zga tashlanib turadigan, katta printlar chiroyli va zamonaviy ko‘rinadi, ammo ularni hammaga ham yarashavermaydi. Bundan tashqari, katta hajmdagi naqsh sizni vizual ravishda to‘laroq va yoshi kattaroq ko‘rsatishi mumkin. Boshqa tomondan, matodagi kichik zamonaviy naqsh, aksincha, sizni bir necha yilga “yashartiradi”.

Vintaj obrazingizga zamonaviy shtrix qo‘shing

Agar boshqa davrdan kelgandek ko‘rinishni istamasangiz, butunlay vintaj kiyim va aksessuarlardan foydalanmang. Sizning vazifangiz retro uslubi va zamonaviy modani birlashtira olishingizni ko‘rsatishdir. Misol uchun, vintaj sharf, retro ko‘zoynak yoki yoqimli vintaj shlyapa rasmiy kostyum yoki zamonaviy jinsi shimlar bilan ajoyib ko‘rinadi.

To‘g‘ri uzunlikdagi yubka tanlang

Umuman olganda, ko‘pchilik ayollar tizzagacha yoki biroz balandroq yoki pastroq bo‘lgan yubka va ko‘ylaklarni tanlashadi. Bundan tashqari, ushbu holatlarning har birida etakning uzunligi oyoqlaringizning eng tor qismida tugashi kerak. Mini yubka — balandroq ko‘rinishning yana bir usuli. Agar uzun yubkalarni yoqtirsangiz, unda eski uslubda ko‘rinmaslik uchun ularni zamonaviy kurtka va pidjaklar bilan birlashtirishingiz kerak.

Trikotajdan uzoqroq turing

Albatta, trikotaj qulay va juda yaxshi ko‘rinishi mumkin. Ammo bu sizni to‘la va qari ko‘rinishingizga olib keladi. Agar qomatingizni ta'kidlamoqchi bo‘lsangiz, unda nozik, cho‘ziluvchan mato yordamisiz ham buni amalga oshirilishi mumkin. Biroq hayotingizni trikotajsiz tasavvur qila olmasangiz, unda sifatli ichki kiyimlarning bir nechta to‘plamini sotib olishga to‘g‘ri keladi.

Mos ko‘zoynak tanlang

Yuz xususiyatlarini ham ta’kidlaydigan zamonaviy ko‘zoynak tanlash unchalik oson ish emas. Ko‘pchilik ko‘zoynaklar qari ko‘rsatadi, deb hisoblashadi, shuning uchun ular ko‘pincha “ko‘rinmas ko‘zoynak” deb ataladigan narsalarni tanlashadi.

Bunday ko‘zoynak o‘rniga shaffof gardishli modelni sinab ko‘ring. Biroq shakli va ranglari ko‘p jihatdan yuzingizning shakli, soch va teri rangiga bog‘liq bo‘ladi, shuning uchun oxirgi tanlovni amalga oshirishdan oldin vaqt ajrating va iloji boricha ko‘proq variantlarni sinab ko‘ring.