Toshkentning ikki tumanida gaz taʼminoti vaqtincha to‘xtatiladi 

Toshkent shahrining Mirzo Ulug‘bek hamda Yunusobod tumanlarida 25-mart kuni gaz taʼminoti vaqtincha to‘xtatiladi. Bu haqda “Hududgaz Poytaxt” gaz taʼminoti filiali axborot xizmati xabar berdi.

Ma’lum qilinishicha, Mirzo Ulug‘bek tumani Qorasuv-6 dahasi, Avayxon ko‘chasida o‘rnatilgan STG rusumli 3 dona gaz hisoblagichlarini harakatdagi yuqori bosimli gaz quvuriga ulash ishlari hamda Yunusoboddagi “Hamkorobod” MFY Holis va Xasanboy ko‘chasi hududidagi yer usti o‘rta bosimli D-108 millimetrli gaz quvuriga gaz hisoblagich o‘rnatish ishlari rejalashtirilgan.

Shu sababli 25-mart kuni soat 10:00 dan 18:00 ga qadar quyidagi tabiiy gaz isteʼmolchilarida gaz taʼminoti vaqtinchalik to‘xtatiladi.

Mirzo Ulug‘bek tumani aholi isteʼmolchilari:

• Qorasuv-6 dahasida joylashgan 17 ta ko‘p qavatli uydagi 1 484 ta aholi xonadonlarida;
• Ulgurji isteʼmolchilar — 16 ta.

Yunusobod tumani aholi isteʼmolchilari:

• “Hamkarobod” MFY Xolis ko‘chasi, Hamkarobod, Hamkarobod tor ko‘chasi, Hamkarobod 1-7 tor ko‘chalaridagi 400 ta yer uchastkalari;
• Ulgurji isteʼmolchilar — 12 ta.

Taʼmirlash ishlari yakunlangach, tabiiy gaz taʼminoti qayta tiklanadi. Yetkazilayotgan noqulayliklar uchun “Hududgaz Poytaxt” gaz taʼminoti filiali isteʼmolchilardan uzr so‘ragan.