Surxondaryo viloyati Angor tumanidagi 13-maktabda 27-fevral kuni o‘qituvchi o‘quvchini urib, tishini sindirdi. Bu haqda “Millar” dasturida ma’lum qilindi.
Qayd etilishicha, voqea 27-fevral kuni maktab stadionida sodir bo‘lgan. Ma’lum bo‘lishicha, ikki o‘quvchi futbol o‘ynayotganda tortishib qolgan, buni ko‘rgan jismoniy tarbiya fani o‘qituvchisi ularni ajratmoqchi bo‘lgan.
Shundan so‘ng boshqa o‘qituvchi bu holatni ko‘rib, bolalar ustozini kaltaklayapti deb o‘ylab, hodisa joyiga yugurib borgan va o‘quvchiga musht tushirgan. Aniqlanishicha, zarb oqibatida maktabning 11-sinfida o‘quvchi bolaning ikkita tishi singan.
“O‘quvchi va o‘qituvchi o‘rtasida janjal sodir bo‘lgan. Voqeadan xabar topib, yetib keldim. Shifoxonaga bordim, ota-onasining yoniga bordim, holatni o‘rgandim. Dori-darmonga yordam ko‘rsatdik. O‘qituvchi aybini tan oldi, o‘z arizasiga ko‘ra maktabdagi ishidan bo‘shadi”, — deydi maktab direktori Elmurod Abdiyev.
Izoh (0)