Тошкентнинг икки туманида газ таъминоти вақтинча тўхтатилади 

Тошкент шаҳрининг Мирзо Улуғбек ҳамда Юнусобод туманларида 25 март куни газ таъминоти вақтинча тўхтатилади. Бу ҳақда “Ҳудудгаз Пойтахт” газ таъминоти филиали ахборот хизмати хабар берди.

Маълум қилинишича, Мирзо Улуғбек тумани Қорасув-6 даҳаси, Авайхон кўчасида ўрнатилган СТГ русумли 3 дона газ ҳисоблагичларини ҳаракатдаги юқори босимли газ қувурига улаш ишлари ҳамда Юнусободдаги “Ҳамкоробод” МФЙ Ҳолис ва Хасанбой кўчаси ҳудудидаги ер усти ўрта босимли Д-108 миллиметрли газ қувурига газ ҳисоблагич ўрнатиш ишлари режалаштирилган.

Шу сабабли 25 март куни соат 10:00 дан 18:00 га қадар қуйидаги табиий газ истеъмолчиларида газ таъминоти вақтинчалик тўхтатилади.

Мирзо Улуғбек тумани аҳоли истеъмолчилари:

• Қорасув-6 даҳасида жойлашган 17 та кўп қаватли уйдаги 1 484 та аҳоли хонадонларида;
• Улгуржи истеъмолчилар — 16 та.

Юнусобод тумани аҳоли истеъмолчилари:

• “Ҳамкаробод” МФЙ Холис кўчаси, Ҳамкаробод, Ҳамкаробод тор кўчаси, Ҳамкаробод 1-7 тор кўчаларидаги 400 та ер участкалари;
• Улгуржи истеъмолчилар — 12 та.

Таъмирлаш ишлари якунлангач, табиий газ таъминоти қайта тикланади. Етказилаётган ноқулайликлар учун “Ҳудудгаз Пойтахт” газ таъминоти филиали истеъмолчилардан узр сўраган.