Халқаро Гаага суди 17 март, жума куни Россия президенти Владимир Путинни ҳибсга олишга ордер берди.
Россия раҳбари Украинада содир этилган ҳарбий жиноятлар учун жавобгарликда айбланмоқда. Шунингдек, суд Россиянинг болалар ҳуқуқлари бўйича комиссари Мария Лвова-Беловани ҳибсга олиш учун ҳам ордер берди.
“Жаноб Владимир Владимирович Путин, 1952 йил 7 октябрда туғилган, Россия президенти, аҳолини (болаларни) ноқонуний депортация қилиш ва Украинанинг босиб олинган ҳудудларидан Россия ҳудудига аҳолини (болаларни) ноқонуний кўчириш каби ҳарбий жиноятлар учун жавобгардир. Жиноятлар Украинанинг босиб олинган ҳудудида камида 2022 йил 24 февралдан бери содир этилган. Россия президент юқорида қайд этилган жиноятлар учун, қилмишларни бевосита, бошқалар билан биргаликда ва/ёки бошқалар орқали содир этгани учун шахсий жиноий жавобгарликка тортилади, деб ҳисоблаш учун керакли асослар мавжуд”, — дейилади Гаага суди баёнотида.
Изоҳ (0)